حالىقارالىق بارىس كۇنىنە وراي ەلوردادا ەكى "بارىس" اراسىندا حوككەي ماتچى وتكىزىلدى

ماتچ بارىس پوپۋلياتسياسىنىڭ ازايۋ ماسەلەسىنە ارنالادى جانە بۇۇ دامۋ باعدارلاماسىنىڭ جانە "بارىس" حوككەي كلۋبىنىڭ ارنايى "قار بارىستارىن قۇتقارۋ" ناۋقانى اياسىندا ۇيىمداستىرىلادى. اتالمىش ءىس-شارا وسى سيرەك كەزدەسەتىن جانە جويىلىپ كەتۋ قاۋپى بار جانۋارلاردىڭ تۇرلەرىن قورعاۋعا باعىتتالعان. كارانتينگە بايلانىستى كورەرمەندەر ماتچتى تەك ونلاين رەجيمىندە كورە الادى.

سوڭعى 40 جىل ىشىندە قازاقستاندا بارىستاردىڭ سانى شامامەن 180-200 سانىنان 130-150-گە دەيىن تومەندەگەن. ءارتۇرلى دەرەك كوزدەرىنە سۇيەنسەك الەمدە, 12 ەلدە بار بولعانى 3 مىڭنان 7 مىڭعا دەيىن عانا بارىس قالعان. پوپۋلياتسيا سانىنىڭ كەمۋىنە جانە جويىلىپ كەتۋ قاۋپى بار جانۋارلار قاتارىنا ەنۋىنە بايلانىستى, بارىس قىزىل كىتاپقا ەنگىزىلگەن.

دۇنيەجۇزىلىك ەكولوگيالىق قور (GEF) قارجىلاندىراتىن بۇۇ دامۋ باعدارلاماسى مەن قازاقستان ۇكىمەتىنىڭ بىرلەسكەن جوباسى اياسىندا قازاقستاندا بارىس ءۇشىن قاۋىپ-قاتەردى ازايتۋ بويىنشا جۇمىستار جۇرگىزىلۋدە: بارىستاردىڭ ناقتى مەكەندەيتىن جەرلەرى بەلگىلەنۋدە, ولاردىڭ وزدەرىن جانە قورەكتەنۋ كوزدەرىن باقىلاۋ ءۇشىن ارنايى جابدىقتار ساتىپ الىنىپ, دالالىق زەرتتەۋلەر وتكىزىلىپ, جەرگىلىكتى تۇرعىندارمەن جۇمىس جۇرگىزىلۋدە.

"بۇۇ دامۋ باعدارلاماسى بىرنەشە جىلدان بەرى قازاقستانداعى قار بارىستارىن قورعاۋ جانە ساقتاۋ ماسەلەسىمەن اينالىسىپ كەلەدى. سيرەك كەزدەسەتىن جانۋارلاردىڭ مونيتورينگىن جەتىلدىرۋ ءۇشىن ءبىز الماتى, شىعىس قازاقستان, جامبىل جانە تۇركىستان وبلىستارىنداعى 13 ەرەكشە قورعالاتىن تابيعي ساياباقتارعا 25 كۆادروكوپتەر جانە 294 فوتوتۇزاق سىيعا تارتتىق", دەدى بۇۇ دامۋ باعدارلاماسىنىڭ قازاقستانداعى تۇراقتى وكىلى ياكۋپ بەريش.

"بارىس" حوككەي كلۋبى بۇۇدب ناۋقانىنا ءۇشىنشى جىل قاتارىنان قاتىسۋدا, بيىلعى جىلى «اك بارس» كلۋبى دا ءىس-شاراعا قوسىلدى. بۇل ەكى "بارىستىڭ" قىزىل كىتاپقا ەنگەن جانۋاردى ساقتاۋ جونىندەگى بىرلەسكەن ناۋقانى اياسىنداعى وتكىزىلگەن ەكىنشى ماتچى. ءبىرىنشى ويىن قازان قالاسىندا (رەسەي فەدەراتسياسى) 16 قازاندا ءوتتى. وندا قازاقستاندىق كلۋب 1:0 ەسەبىمەن جەڭىسكە جەتتى.

حالىقارالىق بارىس كۇنى وسى سيرەك كەزدەسەتىن جانۋاردىڭ جويىلۋ قاۋپى تۋرالى حالىقتى حاباردار ەتۋگە باعىتتالعان: ادامدار بارىسقا تونەتىن قاۋىپ تۋرالى نەعۇرلىم كوبىرەك بىلسە, ونى قۇتقارۋ مۇمكىندىگى سوعۇرلىم جوعارىلايدى. مەرەكە 2013 جىلدىڭ قازان ايىندا بىشكەكتە قار بارىسىن ساقتاۋدىڭ دۇنيەجۇزىلىك فورۋمىندا بەلگىلەندى.