الماتى وبلىسىندا بورسىق اۋلاۋمەن اينالىسقان ورمانشى ۇستالدى

21 قازان كۇنى ساعات 22.00 شاماسىندا قاراساي اۋدانىنىڭ ءشولادىر تاۋىنان تابيعاتتى قورعاۋ پوليتسەيلەرى قوعام وكىلدەرىمەن بىرلەسىپ, ەكى اڭشىلىق يت پەن ءبۇيىر ىلمەكتەرى بار شانىشقىلار تۇرىندەگى ارنايى براكونەرلىك قۇرىلعىنىڭ كومەگىمەن بورسىقتاردى اۋلاعان قاسكەلەڭ قالاسىنىڭ 59 جاستاعى تۇرعىنىن ۇستادى. وعان تيەسىلى “نيۆا” ماركالى اۆتوكولىكتى تەكسەرۋ كەزىندە ءتارتىپ ساقشىلارى ولتىرىلگەن ەكى بورسىقتى, بەتىندە قان ىزدەرى بار ەكى ءيتتى, سونداي-اق براكونەرلىك شانىشقىلاردى تاپتى.ۇستالعان ادامنىڭ الماتى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ورمانشىسى بولىپ تابىلاتىندىعى انىقتالدى جانە قىزمەتتىك مىندەتتەرىنە سايكەس ول براكونەرلىكپەن كۇرەسۋگە ءتيىس بولاتىن. اتالعان دەرەك قر قك 337-بابىنىڭ 4-بولىگى (زاڭسىز اڭشىلىق) بويىنشا تىركەلدى.  تەرگەۋ امالدارى جۇرگىزىلۋدە.