بىلتىر جاڭاارقا اۋدانىندا اقىن, مەملەكەت جانە قوعام قايراتكەرى ساكەن سەيفۋلليننىڭ 125 جىلدىعى مەن اۋداننىڭ 90 جىلدىق مەرەيتويى اياسىندا ءبىر مەزەتتە مىڭ كۇبىدە 10 مىڭ ليتر قىمىز ءپىسۋ جوباسى ءساتتى ىسكە اسىرىلعان ەدى.
ايتا كەتۋ كەرەك, جاڭاارقالىق قىز-كەلىنشەكتەر قول جەتكىزگەن بۇل ناتيجە حالىقارالىق ساراپشىلار تاراپىنان رەسمي تۇردە ماقۇلدانىپ, رەكوردتىق كورسەتكىش رەتىندە تىركەلگەن بولاتىن.
تاياۋدا, قالىڭ قازاقتى تاڭداي قاقتىرعان وسى يگى ءىستىڭ قۇرمەتىنە ارناپ اۋدان ورتالىعىنا كىرە بەرىس جەردە «مىڭ كۇبى» ءمۇسىنى ورناتىلدى. ەسكەرتكىشتىڭ قويىلۋىنا كەنت اكىمدىگى مۇرىندىق بولىپ, جاقسى باستاما جاڭاارقالىق بەلسەندى ازاماتتار تاراپىنان قولداۋ تاپقان.
«كۇبى پىسكەن قازاق قىزىنىڭ عاجايىپ ءمۇسىنى وتكەندى ەسكە سالىپ, ولكەمىزدىڭ كوركىنە كورىك قوسادى», دەيدى ەسكەرتكىشتىڭ ورناتىلۋىنا ات سالىسقان ەل ازاماتتارى.
قاراعاندى وبلىسى,
جاڭاارقا اۋدانى