تۇركىستان وبلىسىنىڭ اكىمى ومىرزاق شوكەەۆتىڭ باستاماسىمەن قولعا الىنعان "قامقورلىق" جوباسى سارىاعاش اۋدانىنا قاراستى داربازا اۋىلدىق وكرۋگىندە جالعاسىن تاپتى. اۋىلدىق وكرۋگتەگى جاناشىر كاسىپكەرلەر مەن اۋىل جاستارى دەمەۋشىلىك جاساپ, كومەككە مۇقتاج تاعدىر تاۋقىمەتىن تارتقان جانداردىڭ ءبىرى, اۋىل تۇرعىنى جالعىز باستى 8 بالانىڭ اناسى رىسكۇل تورىباەۆاعا 6 بولمەلى تۇرعىن ءۇي سالىپ بەردى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
جاقسىلىققا ۇمتىلعان جاندار ارقىلى باسىبايلى باسپانا بۇيىرعان وتباسىنداعى بالالاردىڭ قۋانىشىندا شەك جوق. جىلدار بويعى قيىندىقتان قۇتىلعان انانىڭ ايتار العىسى ايرىقشا. كوپبالالى وتباسى مەملەكەت تاراپىنان اتاۋلى الەۋمەتتىك كومەكپەن قامتىلعان.
«قامقورلىق» باعدارلاماسىن "Nur Otan" پارتياسىنىڭ تۇركىستان وبلىستىق فيليالى مەن وبلىس اكىمدىگى بىرلەسىپ ۇيلەستىردى. يگى شارا تۇرعىندار تاراپىنان جوعارى باعالانىپ وتىر. باعدارلاما اياسىندا اۋدان, قالالارداعى تۇرمىس تاۋقىمەتىن تارتقان وتباسىلارعا جان-جاقتى قامقورلىق كورسەتۋ ارقىلى, كەدەيلىك شەڭبەرىنەن شىعۋعا مۇمكىندىك بەرەدى. مۇنداي وتباسىلاردى انىقتاۋ ءۇشىن قۇرىلعان ارنايى كوميسسيا قۇرامىنا اۋىل اقساقالدارى مەن جەرگىلىكتى بەلسەندىلەر كىردى. كەشەندى باعدارلاما اياسىندا 2000-عا جۋىق ادامعا كومەك بەرىلدى. وتباسىلار ازىق-ت ۇلىك, كيىم-كەشەك, ماتەريالدىق كومەك كورسەتىلۋدە. ونىڭ ىشىندە 35 وتباسىنا تۇرعىن ءۇي الىپ بەرىلسە, 100-گە جۋىق ادام تۇراقتى جۇمىسپەن قامتىلىپ, 178 ادام قوعامدىق جۇمىسقا تارتىلعان.