بۇگىن قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ گەرمانيا فەدەراتيۆتىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى تيلو كليننەرمەن كەزدەستى, دەپ حابارلايدى Egemen.kz.
تاراپتار ەكىجاقتى قارىم-قاتىناستىڭ قازىرگى احۋالى مەن ينفراقۇرىلىمدىق جانە شيكىزات سالالارىنداعى پەرسپەكتيۆالىق ينۆەستيتسيالىق جوبالار تۋرالى تالقىلادى.
قازاقستان 2012 جىلى ەكى ەل اراسىندا قول قويىلعان شيكىزات, ونەركاسىپ جانە تەحنولوگيالىق سالالارداعى سەرىكتەستىك تۋرالى كەلىسىم اياسىندا ءوزارا ىنتىماقتاستىقتى تەرەڭدەتۋگە ەرەكشە ماڭىز بەرەدى. نەمىس سەرىكتەستەرمەن بىرلەسىپ قازاقستاندا 25 جوبا تابىستى ىسكە اسىرىلىپ, 5925 تۇراقتى جۇمىس ورنى اشىلدى.
سونىمەن قاتار گەرمانيا ەلشىلىگىنىڭ وكىلدەرى زاڭنامالىق سالاداعى جاڭالىقتار مەن ەلىمىز مۇددەلىك تانىتىپ وتىرعان جوبالىق مۇمكىندىكتەر جونىندە حاباردار ەتىلدى. "chaeffler Group", "Volkswagen AG", "KNAUF" سياقتى نەمىس ەكونوميكاسى كوشباسشىلارىمەن سەرىكتەستىك قاتىناستى دامىتۋ قازاقستان مەن گەرمانيا اراسىنداعى ەكونوميكالىق قاتىناستاردى ساپالى جاڭا دەڭگەيگە كوتەرەدى.
كەزدەسۋ قورىتىندىسىندا تاراپتار بولعان اڭگىمەگە ريزاشىلىق ءبىلدىرىپ, ەكىجاقتى قارىم-قاتىناستى ءارى قاراي تەرەڭدەتۋگە دايىن ەكەندەرىن ءبىلدىردى.