ۇلتتىق قاۋىپسىزدىك كوميتەتىنىڭ بولىمشەلەرى الماتى قالاسى مەن الماتى وبلىسىنىڭ اۋماعىندا "سپرۋت-2020" كەشەندى جەدەل-تاكتيكالىق وقۋ-جاتتىعۋىن وتكىزدى, دەپ حابارلايدى Egemen.kz كوميتەتتىڭ ءباسپاسوز قىزمەتىنە سىلتەمە جاساپ.
وقۋ-جاتتىعۋدىڭ ماقساتى تەرروريزمگە قارسى ءىس-شارالاردى وتكىزۋ جانە توتەنشە جاعدايلاردى, مەملەكەتتىك شەكارانى جاپپاي زاڭسىز كەسىپ ءوتۋدى وقشاۋلاۋ ىقتيمالدىعى كەزىندە بىرلەسكەن تاكتيكالىق ءىس-قيمىلدار بارىسىندا قر ۇقك بولىمشەلەرىنىڭ ءوزارا ءىس-قيمىلىنىڭ تيىمدىلىگىن ارتتىرۋ بولدى.
"سپرۋت-2020" كەشەندى جەدەل-تاكتيكالىق وقۋ-جاتتىعۋى ۇلتتىق قاۋىپسىزدىك كوميتەتى بولىمشەلەرىنىڭ حالىقارالىق تەرروريزم مەن ەكسترەميزمنىڭ وزگە دە كورىنىستەرىنەن تۋىندايتىن قاۋىپ-قاتەرگە قارقىندى قارسى تۇرۋ ىسىندە كۇش-جىگەرىن بىرىكتىرۋدەگى كەزەكتى قادام بولدى.
سونىمەن قاتار ءىس-شارا بارىسىندا جاعدايدى باعالاۋعا بىرىڭعاي ءتاسىلدى جانە تەرروريستىك قاۋىپ-قاتەر اكەلۋشىلەر مەن ولاردىڭ قايناركوزدەرىن جويۋعا باعىتتالعان ءتيىمدى شارالار جۇيەسىن ازىرلەۋ پىسىقتالدى.
وقۋ-جاتتىعۋ قورىتىندىلارى بويىنشا بولىمشەلەر قويىلعان مىندەتتەردى ءساتتى ورىنداپ, ۇلتتىق قاۋىپسىزدىك كوميتەتىنىڭ باسشىلىعى تاراپىنان جوعارى باعا بەرىلدى.