اتىراۋ قالاسىنىڭ 22 جاستاعى تۇرعىنى Instagram جەلىسىنە اۋديو جانە ۆيدەو ماتەريال جۇكتەگەنى ءۇشىن تەمىر تورعا قامالدى, دەپ حابارلايدى Egemen.kz
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 22 جاستاعى جىگىت ءدىن مامانى يبن ءال-ءدجاۋزيدىڭ يدەياسىن ناسيحاتتايتىن اۋديو-ۆيدەو ماتەريالداردى Instagram جەلىسىندە جاريالاعان. ءدىني ساراپتامانىڭ قورىتىندىسىنا سايكەس, بۇل جازبالاردىڭ مازمۇنى قازاقستاندا قولدانۋعا جانە تاراتۋعا تىيىم سالىنعان.
ەر ادام قر اكىمشىلىك قۇقىقبۇزۋشىلىق كودەكسىنىڭ 453-بابىن بۇزعانى ءۇشىن جاۋاپقا تارتىلدى. سوت قاۋلىسىنا سايكەس ول 55 560 تەڭگە (20 اەك) ايىپپۇل تولەيدى, ال الەۋمەتتىك جەلىدەگى پاراقشاسى جابىلدى.
بۇدان باسقا, اتىراۋدا سوڭعى ۋاقىتتا اكىمشىلىك قۇقىق بۇزۋشىلىق كودەكسىنىڭ اتالعان بابى بويىنشا تاعى ءتورت ەر ادام جاۋاپقا تارتىلعان. ولاردىڭ ءبىرى مىسىردا تەولوگيالىق باعىتتاعى كۇمان تۋعىزاتىن وقۋ ورنىندا ءبىلىم العان. سودان كەيىن ءوزىنىڭ ۆكونتاكتە جەلىسىندە يسلامي ەمەس نەگىزدەگى يدەولوگتاردى ناسيحاتتاعان.