باتىس قازاقستان وبلىسىندا "نۇرلى جەر" باعدارلاماسى بويىنشا تۇرعىنۇيقۇرىلىسجيناق بانكىنىڭ سالىمشىلارىنا ارنالعان 887 پاتەر بەرىلەدى, دەپ حابارلايدى Egemen.kz.
تۇرعىنۇيقۇرىلىسجيناق بانكىنىڭ باتىس قازاقستان وبلىستىق فيليالىندا 84 مىڭنان استام سالىمشى بار. ولار جيناعان سالىمنىڭ جالپى كولەمى 33 ميلليون تەڭگەدەن اسادى.
ء"وڭىر تۇرعىندارىنىڭ بانك قىزمەتىنە سۇرانىسى جوعارى. ويتكەنى تۇرعىن ءۇي قۇرىلىسى ارتىپ, جەرگىلىكتى اكىمدىك تە ءتيىمدى جۇمىس ىستەپ وتىر", دەيدى بانك فيليالىنىڭ ديرەكتورى ايدا يپاتوۆا.
"نۇرلى جەر" مەملەكەتتىك باعدارلاماسى اياسىندا 2020 جىلدىڭ سوڭىنا دەيىن وڭىردە 6 ءۇي پايدالانۋعا بەرىلمەك. ونىڭ ىشىندە 887 پاتەر تۇرعىنۇيقۇرىلىسجيناق بانكى سالىمشىلارىنا بۇيىرماق.
جاڭا ۇيلەردىڭ ۇشەۋى ورال قالاسىنىڭ زاچاگانسك كەنتىندە, ەكەۋى – سولتۇستىك-شىعىس جاعىندا ورنالاسقان. ال كوپقاباتتى ءۇيدىڭ ءبىرى اقساي قالاسىندا تاپسىرىلادى. بۇل پاتەرلەردىڭ 1 شارشى مەتر قۇنى 140 000 تەڭگەگە باعالانعان.
"بيىلدان باستاپ "شاڭىراق" - 5-10-20" باعدارلاماسى ىسكە قوسىلدى. وعان 1986-2017 جىلدار ارالىعىندا كەزەكتە تۇرعان ادامدار قاتىسا الادى. بۇل باعدارلاما بويىنشا باستاپقى نارىقتاعى تۇرعىن ءۇي كليەنتتىڭ تاڭداۋى بويىنشا راسىمدەلەدى. باتىس قازاقستان وبلىسى بويىنشا نەسيەنىڭ ەڭ ۇلكەن سوماسى - 12 000 000 تەڭگە", دەيدى فيليال باسشىسى.
باتىس قازاقستان وبلىسى