تالاپتى ەلەمەگەندەر جاۋاپقا تارتىلادى

بريفينگتە دەپارتامەنت باستى­عىنىڭ ءبىرىنشى ورىنباسارى, پوليتسيا پولكوۆنيگى شامشيددين ءاميتوۆ  باق وكىلدەرىنە جىل باسىنان بەرى تىركەلگەن قىلمىستىق قۇقىقبۇزۋشىلىق وتكەن جىلدىڭ وسى كەزەڭىمەن سالىستىرعاندا 36 پايىزعا تومەندەگەنىن ايتىپ ءوتتى.

قوعامدىق ورىنداردا, كوشە­لەر­دە جاسالاتىن قىلمىستار دا ازايعان. توپ بولىپ قىلمىس جاساي­تىندار كورسەتكىشىنىڭ دە تومەن­دەگەنى بايقالادى. قازىر وبلىستا «ۋچاسكە» جەدەل پروفيلاكتيكالىق  ءىس-شاراسى وتۋدە. قىركۇيەكتەن جەلتوقسانعا دەيىن سوزىلاتىن شا­­را­نىڭ ماقساتى – قىلمىس پەن قۇقىقبۇزۋشىلىقتى بول­دىر­­ماۋ, ۋچاسكەلىك پوليتسيا ينسپەكتورلارىنىڭ جانە جالپى ىشكى ىستەر ورگاندارىنىڭ ءيميدجى مەن بەدەلىن كوتەرۋ, حالىقتىڭ ولار­عا دەگەن سەنىمىن ارتتىرۋ بولىپ وتىر. 

وسى شارا بارىسىندا, بارلىعى 75 مىڭنان استام پاتەر مەن جە­كە- مەنشىك ۇيلەر تەكسەرىلدى. ناتي­جەسىندە, وبلىس ورتالىعىندا 54 پاتەردىڭ جالعا زاڭسىز بەرىلىپ جات­قاندىعى انىقتالىپ, قۇجاتتار ءتيىستى ورگانعا جولداندى. ىشكى ىس­تەر ورگاندارىنىڭ ەسەبىندە تۇر­­­عان 4 مىڭنان اسا تۇرعىن مەكەن­جايلارى بويىنشا تەكسەرىلىپ  پرو­­­­فيلاكتيكالىق جۇمىستار جۇر­گى­زىلىپتى.

شامشيددين ەگەمبەردى­ ۇلى­نىڭ ايتۋىنشا «ۋچاسكە» جەدەل پروفي­لاك­تي­كالىق  شاراسىندا زاڭسىز اينا­لىمنان 37 قارۋ تار­كىلەنىپ, 7 مىڭنان  استام اكىمشىلىك قۇ­قىقبۇزۋشىلىق دە­رەك­تەرى انىق­تالعان.

براكونەرلىك پەن بيولوگيالىق رەسۋرستار وبەكتىلەرىنىڭ زاڭسىز اينالىمىن انىقتاۋ ماقساتىندا 12 قازاندا «براكونەر» شاراسى باستالدى.

العاشقى اپتانىڭ وزىندە تابي­عات قورعاۋ زاڭنامالارىن بۇز­عان  59 دەرەك بەلگىلى بولدى. ونىڭ بىرەۋى قىل­مىستىق, قالعانى اكىم­شىلىك قۇ­قىقبۇزۋشىلىقتار.

قالالىق پوليتسيا باسقارماسى قول­عا العان «قاۋىپسىز قالا» شارا­سى­نىڭ دا ماڭىزى زور. پولي­تسەي­­­لەر, قالالىق اكىمدىك, پرو­كۋ­­را­تۋرا, تاۋارلار مەن كورسەتى­لەتىن قىزمەتتەردىڭ ساپاسى مەن قاۋىپ­سىزدىگىن باقىلاۋ باسقارماسى وكىل­دەرى, ۆولونتەرلەر بىرلەسە وتكىز­گەن رەيدتىڭ  2 كۇنىندە  53 قۇ­قىق- بۇزۋشىلىق انىقتالدى. قوعامدىق ءتارتىپتىڭ ساقتالۋىن قاداعا­لاي­تىن رەيد كەزىندە كارانتيندىك شەكتەۋ­دىڭ شەگىنەن شىعىپ كەتكەندەر كوپ كەزدەسىپتى. 

– توي جاساپ, اس بەرىپ, تۋعان كۇ­نىن  اتاپ وتەتىندەر ءالى دە تىيىلار ەمەس. بۇل كارانتين تالاپتارىنا قاي­شى ەكەندىگىن بىلە تۇرا جۇرتتى جي­ناپ كەش وتكىزەتىن زاڭ الدىندا بارلىق ادام بىردەي ەكەندىگىن تۇسىنگەنى ءجون. جالپى, ءبىزدىڭ دە­پار­تامەنت قىزمەتكەرلەرى تالاپتى بۇزعان 225 دەرەكتى انىق­تادى. ءمو­بيلدى توپ­تارمەن بىرگە ارالاۋدا تاعى 334 دەرەك بەلگىلى بول­­دى. وسىلارعا باي­لا­نىستى جي­ناق­تال­عان قۇجاتتار ءتيىستى ورىن­­­دارعا جول­داندى, – دەي­دى دە­پار­­­تامەنت باستىعىنىڭ ءبىرىن­شى ورىن­­­باسارى. 

وتكەن اپتانىڭ سوڭعى 2 كۇنىندە 97 زاڭبۇزۋشىلىق انىقتالسا, سونىڭ 81-ءى تىعىلىپ توي وتكىزگەندەر. كا­ران­تين تالاپتارىن ەلەمەگەندەر قا­تا­رىندا كومپيۋتەرلىك كلۋبتار مەن دۇكەندەر دە بار. 

وبلىس ورتالىعىندا كارانتين تالابى 143 مارتە بۇزىلىپتى. اۋدان­­داردا دا ەسكەرتۋدى ەلەمەگەندەر كوبەيىپ وتىر.

قىزىلوردا