تۇركىستان وبلىسى اكىمىنىڭ ورىنباسارى تاعايىندالدى

تۇركىستان وبلىسىنىڭ اكىمى ومىرزاق شوكەەۆ وبلىس اكتيۆىمەن وتكەن جيىندا جاڭا ورىنباسارىنىڭ جاۋاپتى باسشىلىق لاۋازىمداردا ۇلكەن جۇمىس تاجىريبەسى بار ەكەنىن اتاپ ءوتىپ, قىزمەتىنە ساتتىلىك تىلەدى.

ارمان ءسابيتوۆ 1984 جىلى شىمكەنت قالاسىندا تۋعان, ءبىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىن, ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ اسپيرانتۋراسىن بىتىرگەن. ماماندىعى بويىنشا ەكونوميست, ەكونوميكا عىلىمدارىنىڭ كانديداتى, مەملەكەتتىك اۋديتور. ەڭبەك جولىن "ازاماتاۋديت" جشس اۋديتورلىق مەكەمەسىندە اۋديتوردىڭ اسسيستەنتى بولىپ باستاعان.

2004-2011 جىلدارى اۋديتوردىڭ اعا اسسيستەنتى, مەنەدجەر-جوبا باسقارۋشىسى, الماتى قالاسىنداعى وكىلدىك باسقارۋشىسى لاۋازىمدارىن اتقارعان.

2011-2016 جىلدارى الماتى قالاسى بويىنشا تەكسەرۋ كوميسسياسىنىڭ مۇشەسى بولعان.

2016 جىلدىڭ جەلتوقسان ايىنان باستاپ وقو اكىمى اپپاراتى باسشىسىنىڭ ورىنباسارى قىزمەتىن اتقارعان.

2017-2019 جىلدارى وڭتۇستىك قازاقستان وبلىسى, ودان ءارى تۇركىستان وبلىسىنىڭ ەكونوميكا جانە بيۋدجەتتىك جوسپارلاۋ باسقارماسىن باسقارعان.

2019 جىلدان بەرى پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى, پرەزيدەنت اكىمشىلىگىنىڭ مەملەكەتتىك ينسپەكتورى قىزمەتتەرىن اتقارىپ كەلگەن. وبلىس اكىمى ومىرزاق شوكەەۆ بۇعان دەيىن بۇل قىزمەتتى اتقارىپ كەلگەن جولدىمۇرات ەرمۇحان ۇلى امانباەۆقا قۇرمەت كورسەتىپ, زەينەت دەمالىسىنا شىعارىپ سالدى. 40 جىلدان استام ۋاقىت ءار سالادا ابىرويلى قىزمەت اتقارعانىن ايتىپ, اسقارالى 63 جاسىمەن قۇتتىقتادى.

"تەرەڭ ءبىلىم, بەرىك ۇستانىم, ىسكەرلىك قابىلەت جانە ازاماتتىق قاسيەتىڭىز ءسىزدى قاتارداعى فەرما جۇمىسشىسىنان قازاق ەلىنە تانىمال ساياسي قايراتكەر, قارجى سالاسىنىڭ مايتالمانى, وبلىس اكىمىنىڭ ورىنباسارى لاۋازىمىنا دەيىن كوتەردى. ەلىمىزدىڭ جاڭا استاناسى – نۇر-سۇلتان قالاسىنىڭ جاڭا كەيىپكە ەنىپ, قالىپتاسۋى جولىندا وزىڭىزدەي ىسكەر ازاماتپەن ارىپتەس بولعانىما قۋانىشتىمىن. دامۋدىڭ جاڭا بيىگىنە قول جەتكىزگەن تۇركىستاننىڭ تۇرلەنۋى جولىندا ايانباي ەڭبەك ەتتىڭىز. وتانىمىزدىڭ وركەندەۋى مەن تۇركىستاننىڭ باياندى بولاشاعى جولىندا ءالى دە تالاي ەل سۇيسىنەر ەلەۋلى ىستەر اتقاراتىنىڭىزعا كامىل سەنەمىن", - دەدى وبلىس باسشىسى.