بۇگىن ساعات 5:46-دا الماتى قالاسىنداعى الما-اراسان شاتقالىنىڭ تاۋ بوكتەرىندە ءورت بولعان. بۇل تۋرالى توتەنشە جاعداي مينيسترلىگىنىڭ رەسمي وكىلى تالعات ءۋالي حابارلايدى, دەپ جازادى Egemen.kz
كىرمە جولداردىڭ بولماۋىنا بايلانىستى جاساق جاياۋ جۇرگەن. تاۋدىڭ باس جاعىندا 1,5 گا الاڭدا قۋراعان اعاشتار مەن شىرشالار ورتەنگەن ەكەن. وقيعا ورنىندا سولتۇستىك, وڭتۇستىك-شىعىس جانە باتىس جاعىندا 3 ءورت ءسوندىرۋ ۋچاسكەسى ورنالاستىرىلدى. ءورت "ەرماك" اسپالى جىلجىمالى ءورت سوندىرگىشپەن جانە قاراپايىم اسپاپتارمەن ءسوندىرىلدى.
قابىلدانعان جەدەل شارالاردىڭ ارقاسىندا وڭتۇستىك-شىعىس جانە باتىس جاعىندا ءورت ساعات 08: 02-دە, ال سولتۇستىك جاعىندا ساعات 08:31-دە ءورت ءسوندىرىلدى.
ءورتتى سوندىرۋگە الماتى قالاسى جانە الماتى وبلىسى تجد, ىلە-الاتاۋ مۇتپ, قازاۆياورمانكۇزەتىنەن 71 قىزمەتكەر مەن 16 بىرلىك تەحنيكا جۇمىلدىرىلعان.
قازىرگى ۋاقىتتا جەكەلەگەن ءورت وشاقتارىن توگۋ جانە مينەرالدانعان جولاقتاردى جاساۋ جۇمىستارى جۇرگىزىلۋدە. ورمان القابى قورعالىپ جاتىر.