پاۆلودار وبلىسىندا جاڭا تۋعان نارەستەسىن تاستاپ قاشقان كوكەك انا ىزدەستىرىلىپ جاتىر. ول بالاسىن وزگە بىرەۋدىڭ قول ارباسىنا قالدىرىپ, قاشىپ كەتكەن بولىپ شىقتى.
پاۆلودار وبلىسىندا جاڭا تۋعان نارەستەسىن تاستاپ قاشقان كوكەك انا ىزدەستىرىلىپ جاتىر. ول بالاسىن وزگە بىرەۋدىڭ قول ارباسىنا قالدىرىپ, قاشىپ كەتكەن بولىپ شىقتى.
قۇقىق قورعاۋ ورگاندارىنىڭ قىزمەتكەرلەرى قازىر جەدەل ىزدەستىرۋ جۇمىستارى ۇستىندە ىقتيمال قاشقىن انانىڭ كىم ەكەنىن بولجاپ وتىر. الدىن الا اقپاراتتارعا قاراعاندا, ول مۇندا بالقاش قالاسىنان كەلگەن 22 جاسار جاس انا سياقتى. قولدا بار مالىمەتتەر ونىڭ ەكى ايلىق سابيىمەن ەكىباستۇزداعى اۋرۋحاناعا جاتقانىن, ءوز ءسابيىن باسقا بالا جاتقان بەيتانىس ادامنىڭ قول ارباسىنا تاستاپ, قاشىپ كەتكەنىن ايعاقتايدى.
مۇنى ءبىرىنشى بولىپ اۋلادا قىدىرىستاپ جۇرگەن ناۋقاستار بايقايدى. ولار سول بويدا ءسابيدىڭ اناسىن ىزدەستىرىپ, شۋ كوتەرەدى. بىراق كەلمەۋگە بەكىنگەن بويجەتكەن قاراسىن كورسەتپەي كەتەدى.
دارىگەرلەردىڭ ايتۋىنشا, نارەستەنىڭ جاعدايى قازىر جاقسى. ال ءتارتىپ ساقشىلارى بالاسىنان بەزگەن كەلىنشەكتى ىزدەستىرىپ جاتىر. «قازىر ونىڭ كىم ەكەنى بەلگىلى بولدى. ەندى قازىرگى تۇرعىلىقتى جەرى انىقتالۋدا. تاياۋ ارادا جاس كەلىنشەكتى انالىق قۇقىعىنان ايىرۋ ماسەلەسى شەشىلەدى», – دەيدى ەكىباستۇز قالاسى ىشكى ىستەر باسقارماسىنىڭ ينسپەكتورى ايگۇل ابىشەۆا.
مۇرات ايتقوجا.