ساۋد ارابياسى بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولۋدان باس تارتتى. بۇل تۋرالى يتار-تاسس حابارلادى.
بۇۇ باس حاتشىسى پان گي مۋن ساۋد ارابياسى تاراپىنان قاۋىپسىزدىك كەڭەسىندەگى ۇسىنىلعان ورىننان باس تارتۋ جونىندە حات الدى. حاتقا ساۋد ارابياسى سىرتقى ىستەر مينيسترلىگىمەن جازىلعان ارىز جاپسىرىلعان. وندا قاۋىپسىزدىك كەڭەسىنىڭ سيرياداعى جانجال مەن پالەستيناداعى ماسەلەنى شەشۋدە قاۋقارسىز ەكەنى جازىلعان.
ەندى بۇۇ 2014-2015 جىلدارعا قاۋىپسىزدىك كەڭەسىنىڭ تۇراقتى ەمەس مۇشەسى بولۋدى باسقا ەلگە ۇسىنادى. ازىرگە بەلگىلى بولعانداي, 1965-1966 جانە 1982-1983 جىلدارى قاۋىپسىزدىك كەڭەسىنە مۇشەلىك ەتىپ كورگەن يوردانيا مەملەكەتى بۇل جولى دا بۇكىلالەمدىك ۇيىمنىڭ مۇشەسى اتانۋى مۇمكىن.
«شەشىلمەي وتىرعان بىرقاتار سۇراق بار, الايدا, كەڭەستەگى ورىنعا مۇشە بولۋعا يوردانيا باستى ۇمىتكەر رەتىندە قارالىپ وتىر», – دەپ مالىمدەدى يتار-تاسس اگەنتتىگىڭ بۇۇ شتاب-پاتەرىندەگى اقپارات كوزى.
ايدار ورىسباەۆ.