دەپۋتاتتار ەلوردادا ورنالاسقان قورعانىس ونەركاسىبىنىڭ كاسىپورىندارىندا بولدى, دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
ولارعا جاڭا اسكەري تىكۇشاق تانىستىرىلدى جانە اسكەري تەحنيكانى شىنايى باسقارۋعا ۇقسايتىن ۇشقىشتاردى دايارلاۋعا ارنالعان ارنايى جاتتىعۋ جابدىعى بار وقۋ ورتالىعى كورسەتىلدى. سەناتورلار ورتالىق ازياداعى ەۋروپالىق اسكەري تىكۇشاقتاردى قۇراستىراتىن جالعىز زاۋىت الاڭىندا سالا پروبلەمالارىن تالقىلادى.
"ونەركاسىپتىڭ بۇل سالاسى, ونىڭ دامۋى كەزىندە مەملەكەتتىڭ قورعانىس قابىلەتىن قامتاماسىز ەتۋدىڭ ستراتەگيالىق فاكتورى عانا ەمەس, سونىمەن قاتار ونەركاسىپتىڭ باسقا سالالارى سياقتى بيۋدجەتتى تولىقتىرا وتىرىپ ءارى تۇراقتى جۇمىس ورىندارىن قامتاماسىز ەتىپ ەل ەكونوميكاسىنا ەلەۋلى ۇلەس قوسۋى ءتيىس", دەدى سەناتور مۇحتار قۇل-مۇحاممەد.
سەنات دەپۋتاتتارىنىڭ ايتۋىنشا وتكەن جىلى قابىلدانعان "قورعانىس ونەركاسىبى جانە مەملەكەتتىك قورعانىستىق تاپسىرىس تۋرالى" زاڭنىڭ وتاندىق ونەركاسىپتى ودان ءارى دامىتۋعا الەۋەتى جەتكىلىكتى. پارلامەنتشىلەر كەمشىلىكتەردىڭ جوندەلۋى ءۇشىن قورعانىس كاسىپورىندارىندا بولىپ ءجۇر, وندا جاعدايدى جاقسارتۋ جانە قازاقستاندىق زاۋىتتاردى قولداۋ مەن دامىتۋدىڭ جاڭا تەتىكتەرىن ەنگىزۋ جونىندە سالا ماماندارىمەن كونسۋلتاتسيالار وتۋدە.
"قورعانىس ونەركاسىبى جانە مەملەكەتتىك قورعانىستىق تاپسىرىس تۋرالى" زاڭدى ىسكە اسىرۋ بارىسىندا زاڭ شىعارۋ جوسپارىنىڭ پروبلەمالارى انىقتالعانىن اتاپ ءوتتى. وسىعان وراي, دەپۋتاتتار وسى سالاداعى ماسەلەلەردى جاقسارتۋ جانە شەشۋ بويىنشا كاسىپورىنداردىڭ ۇسىنىستارىنا قۇلاق قويدى.
سەناتورلار نارىقتا سۇرانىسقا يە اسكەري ونىمدەر ءوندىرىسىن دامىتۋ قاجەتتىگىن اتاپ ءوتتى.