بۇل تۋرالى قر ءىىم كوشى-قون قىزمەتى كوميتەتى توراعاسىنىڭ ورىنباسارى, پوليتسيا پولكوۆنيگى س.سەيىتجانوۆ ءمالىم ەتتى, دەپ حابارلايدى Egemen.kz
مينيسترلىك وكىلىنىڭ ايتۋىنا قاراعاندا, قازىر ەلىمىزدە كسرو كەزەڭىنەن بەرى قۇجاتتاندىرىلماعان نەمەسە جەكە باسىن كۋالاندىراتىن قۇجاتى جوق, تولقۇجاتىن اۋىستىرماعان ازاماتتاردى انىقتاپ, قۇجاتتاندىرۋعا باعىتتالعان رەسپۋبليكالىق اكتسيا ءوتىپ جاتىر.
"اتىراۋ وبلىستىق پوليتسيا دەپارتامەنتىنىڭ كوشى-قون قىزمەتى باسقارماسى اتالعان اكتسيا كەزىندە 12 تۇلعانى انىقتادى. ونىڭ ىشىندە قر ازاماتتىعىن ايقىندايتىن قۇجاتسىز, ياعني كسرو پاسپورتىمەن جۇرگەن 3, قر ازاماتى ەكەنىن باسقا قۇجاتپەن ايقىندايتىن قۇجاتسىز 3, قر پرەزيدەنتىنىڭ جارلىعىمەن قر ازاماتتىعىنان شىعۋىنا بايلانىستى ازاماتتىعى جوق ادام دەپ تانىلعان 1, شەت مەملەكەتتىڭ ازاماتتىعىنان شىعۋىنا بايلانىستى ازاماتتىعى جوق ادام دەپ تانىلعان 6 تۇلعا بار", دەپ حابارلادى قر ءىىم كوشى-قون قىزمەتى كوميتەتى توراعاسىنىڭ ورىنباسارى, پوليتسيا پولكوۆنيگى س.سەيىتجانوۆ.