اققۋلاردان تاراعان اۋرۋ

العاشىندا قۇس تۇماۋىنا قاتىستى كارانتين ەلىمىزدىڭ 7 وبلىسىندا, 78 ەلدى مەكەنىنە ەنگىزىلگەن ەدى. بۇل تۋرالى اۋىل شارۋاشىلىعى مينيس­ترلىگى ۆەتەرينارلىق باقىلاۋ مەن قاداعالاۋ كوميتەتى توراعا­سى­نىڭ ورىنباسارى تۇرسىن قابدولدانوۆ مالىمدەگەن.

ال بەسقاراعاي اۋدانىندا شىققان قۇستاردىڭ ىندەتى العاش 30 قىركۇيەكتە تىركەلىپتى. ۆەتەرينار ماماندارىنىڭ ايتۋىنشا, مۇنداعى قۇس تۇماۋى اۋىلعا جاقىن ماڭداعى كولگە ۇشىپ كەلگەن اققۋلاردان تا­راعان سياقتى. باسكول اۋىلى­نىڭ ماڭىندا ۇلكەندى-كىشىلى كولدەردەن 200-گە جۋىق اققۋ ۇشىپ-قونىپ جاتاتىن. ىندەت بۇدان ءارى تاراماۋى ءۇشىن اۋىل ازاماتتارى مەن ۆەتەرينار سا­لا­سىنىڭ ماماندارى ۇر­كىتىپ, ۇشىرىپ جىبەرگەن. قازىر­گى ۋا­قىتتا جەتى-سەگىز اققۋ عانا ءجۇر.

اۋىل شارۋاشىلىعى مينيس­ترلىگى ۆەتەريناريالىق باقىلاۋ جانە قاداعالاۋ كوميتە­تىنىڭ بەس­قاراعاي اۋداندىق اۋماق­تىق ينسپەكتسياسىنىڭ باسشىسى ەرەنعايىپ ءتابىل­ديننىڭ ايتۋىنشا, اۋىلداعى قۇستارعا ۆاكتسينا ەگىلدى. تۇماۋ كوبىنەسە قازدارعا جۇققان. ءۇي قۇستارىنىڭ جۇرىستەرى شال­قالاقتاپ, دەنە قىزۋلارى كو­تە­رىلگەن. ال ۇيرەك پەن تا­ۋىقتاردان مۇنداي بەلگى باي­قالمادى. ازىرشە اۋىلداعى قۇستاردىڭ بارلىعى قاماۋدا. قۇس­تاردى ۆەتەرينارلار ۇنەمى قاداعالاۋدا ۇستاپ وتىر. اۋىل­­دىڭ باس-اياعىنا بەكەتتەر قويىلىپ, 18 ادام كۇنى-ءتۇنى جۇمىس ىستەۋدە.

– 28 قىركۇيەكتە اۋىل شا­رۋا­شىلىعى مينيسترلىگى ۆەتە­رينارلىق باقىلاۋ جانە قا­داعالاۋ كوميتەتىنەن اۋىل­داعى قۇستاردى شىعارماي, قاماۋدا ۇستاۋ تۋرالى نۇسقاۋ كەلگەن. سول نۇسقاۋ نەگىزىندە اۋىل تۇر­عىندارىنا ەسكەرتۋ جاسالدى. 29-30 قىركۇيەك كۇن­دەرى كولگە جاقىن ۇيلەردىڭ قۇس­تارىنان اۋرۋ بەلگىلەرى بايقالعان. ءۇش قاز ءولىپ, 11 قاز­دان پاتوگەندىك قۇس تۇماۋىنا كۇدىك تۋعان. حابار تۇسە سالا كول ماڭىنداعى ءۇش ءۇيدىڭ قۇ­سىنان سىناما الىنىپ, نۇر-سۇلتانداعى ۆەتەريناريالىق ۇلتتىق رەفەرەنتتىك ورتالىققا جىبەرىلدى. زەرتحانا ناتيجەسى وڭ بەلگىسىمەن 2 قازاندا كەلدى, – دەيدى بەسقاراعاي اۋداندىق اۋماقتىق ينسپەكتسياسىنىڭ باسشىسى ە.تابىلدين.

قاۋىپتىڭ ءورشىپ كەتپەۋى ءۇشىن كول جاعاسىنداعى 6 ءۇيدىڭ 201 باس تاۋىعىنىڭ, قاز-ۇيرەگىنىڭ كوزى جويىلعان. وعان وتەماقى تولەۋ-تولەمەۋ ماسەلەسى جەر­گىلىكتى بيلىكتىڭ قۇزىرىندا. ەگەر اكىمدىكتەگى شارۋاشىلىق كىتابىندا قۇستاردىڭ ءتىزىمى بولسا, شىعىن وتەلەتىن كورىنەدى.

بۇگىنگى تاڭدا باسكول اۋىلىندا رەسپۋبليكالىق ەپيدە­مياعا قارسى وتريادتىڭ مامان­دارى جۇمىس جۇرگىزىپ جاتىر. اۋداندا جالپى سانى 25 مىڭ­نان استام قۇسقا ەكپە جاسالدى. ال كارانتيننىڭ قاشانعا دەيىن جالعاسارى بەلگىسىز.

شىعىس قازاقستان وبلىسى

بەسقاراعاي اۋدانى