سالين ارتەمياسى دەپ اتالاتىن شاياندار سولتۇستىك قازاقستاننىڭ اششىلى كولدەرىندە دە بار ەكەن. مۇندا دا ونى جيناپ, شەتەلگە ساتاتىن سۋىققولدىلار شىعىپتى. قىتايدا وسى شايانداردان ءدارى-دارمەك, وپا-دالاپ جانە ت.ب. جاسايدى. سوندىقتان باعاسى دا قىمبات, دەپ حابارلايدى Egemen.kz.
جۋىردا مامليۋت اۋدانىنداعى ءبىر كولدەن وسىنداي شايانداردىڭ سالماعى 1 توننا 347 كگ بولاتىن 33 قاپشىعى اۋلانعان. ونى كولدى جالعا العان ادام كورىپ, پوليتسياعا حابارلاعان. پوليتسيا شايان جيناۋشى ءتورت ادامدى ۇستاپ, زاڭسىز ىستەرىنە شارا قولدانۋ ءۇشىن ۇستەرىنەن ءىس قوزعادى. ەندى تابيعاتقا كەسەل كەلتىرۋشىلەردىڭ جازاسىن سوت انىقتايتىن بولادى.