ماڭعىستاۋدا "جاس مامان" جوباسى اياسىندا ماتەريالدىق-تەحنيكالىق بازامەن جاراقتاندىرۋ جۇمىستارى جۇزەگە اسىرىلىپ جاتىر. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسىنىڭ ءبىلىم باسقارماسىنىڭ باسشىسى اسقار سەيداليەۆ حابارلادى. بۇل باستاما 2019 جىلعى ەلىمىزدىڭ تۇڭعىش پرەزيدەنتى ن.ءا. نازارباەۆتىڭ 180 كوللەدج بەن 20 جوعارى وقۋ ورنىن زاماناۋي تەحنيكامەن جابدىقتاۋ جانە بىلىكتى ماماندارمەن قامتۋ ارقىلى بۇگىنگى نارىققا قاجەتتى مامانداردى دايارلاۋ تاپسىرماسىنا سايكەس قولعا الىندى.
-بۇعان رەسپۋبليكالىق بيۋدجەتتەن 3 ملرد. تەڭگە قارجى ءبولىندى. ونىڭ ىشىندە 2020 جىلعا 5 كوللەدجگە 1,6 ملرد. تەڭگە 2021 جىلعا 5 كوللەدجگە 1,4 ملرد. تەڭگە سونىمەن ءوڭىرىمىزدىڭ تەحنيكالىق باعىتتاعى 10 كوللەدجى جاراقتاندىرىلادى. بولىنگەن قاراجاتقا اگرەگاتتار, جاتتىقتىرۋشى ماشينالار مەن اۆتوترەناجەرلار, 3D پرينتەرلەر, ءموبيلدى بەينەستۋديالار, ءادامتارىزدى روبوتكونسترۋكتورلار جانە ت.س.س. زاماناۋي جابدىقتار ساتىپ الىنادى, دەدى ماڭعىستاۋ وبلىستىق ءبىلىم باسقارماسىنىڭ باسشىسى اسقار سەيداليەۆ.
جوبا اياسىندا كوللەدجدەر ءوڭىر نارىعىنداعى سۇرانىسقا يە اسپاز, كونديتەر, توكار, دانەكەرلەۋشى, قۇرىلىسشى, اۆتوكولىكتەرگە قىزمەت كورسەتۋ, بايلانىس وپەراتورلارى سياقتى مامانداردى دايارلايدى. ايتا كەتەيىك, كوللەدج ستۋدەنتتەرىنىڭ شاكىرتاقىسى بىلتىرعى جىلمەن سالىستىرعاندا رەسپۋبليكالىق بيۋدجەت ەسەبىنەن 25% كوبەيدى. 2019 جىلى ورتاشا ەسەپپەن 21787 تەڭگەنى قۇراسا, بيىل 26815 تەڭگەنى قۇرادى.
ماڭعىستاۋ وبلىسى