اقش پرەزيدەنتىنىڭ رەيتينگى ءتۇسىپ بارا جاتىر

امەريكا قۇراما شتاتتارىنىڭ پرەزيدەنتى باراك وبامانىڭ ەل ىشىندەگى رەيتينگى بارعان سايىن تومەن قاراي قۇلدىراپ بارادى. بۇل تۋرالى «لەنتا.رۋ» حابارلادى.

اقپارات اگەنتتىنىڭ بايانداۋىنشا, سۇراۋ سالىنعان امەريكالىقتاردىڭ 54 پايىزى پرەزيدەنتتىڭ ءىس-ارەكەتىنە رازى ەمەس ەكەندەرىن بىلدىرگەن. وسىنىڭ ءوزى بۇعان دەيىن پرەزيدەنتتەر اراسىنداعى رەيتينگىنىڭ ەڭ تومەنى بولىپ وتىر.

«ءاربىر جاڭا پرەزيدەنتتىڭ باسىندا بولاتىنى سياقتى, باراك وبامانىڭ ءوزىن 50 پايىزدىق دەڭگەيدە قولداعان سايلاۋشىلارمەن «بال ايى» ءوتتى. وسى «نەكە كەزەڭىنىڭ» مۇمكىندىگىنە قاراي ول سول دەڭگەيدى ءبىراز ۋاقىت ۇستاپ تۇرا الدى. بۇگىن ءبىرىنشى رەت بۇل كورسەتكىش 40 پايىزعا دەيىن تومەندەدى», - دەدى كۆيننيپەكس ۋنيۆەرسيتەتى ديرەكتورىنىڭ ورىنباسارى تيم ماللوي.

قوعامدىق پىكىرگە سۇراۋ سالۋ مالىمەتتەرى بويىنشا, رەسپوندەتتەر اراسىندا وبامانى قولداۋشىلار دەڭگەيى 39 پايىزعا دەيىن تۇسكەن. ماللوي سونداي-اق سايلاۋشى ايەلدەردىڭ دە پرەزيدەنتكە سىن كوزىمەن قاراپ وتىرعانىن جەتكىزدى. ولاردىڭ 41 پايىزى عانا پرەزيدەنتتىڭ ءىس-ارەكەتىن قولدايتىن بولىپ شىقتى. ال قارسى شىققاندار قاتارى 51 پايىز بولعان.

ساكەن مايلىباي.