وبلىستىڭ باس مەملەكەتتىك سانيتارلىق دارىگەرى اسىلبەك شاروۆتىڭ قاۋلىسىمەن بىرنەشە نىساننىڭ قىزمەتىنە رۇقسات بەرىلدى.
«اتىراۋ وبلىسىنىڭ اۋماعىندا 2020 جىلعى 16 قازان ساعات00:00-دەن باستاپ COVID-19-دىڭ ەپيدەميولوگيالىق احۋالى تۇراقتانعانعا دەيىن شەكتەۋ شارالارى ۇزارتىلسىن» دەلىنگەن قاۋلىدا.
قاۋلىعا سايكەس, كورمەلەر, فورۋم, كونفەرەنتسيا, سونداي-اق, وتباسىلىق, ەسكە الۋ (بانكەت, توي, مەرەيتوي, ساداقا), ونىڭ ىشىندە ۇيدە جانە ادامدار كوپ جينالاتىن وزگەدە شارالاردىڭ وتكىزىلۋىنە, دۋماندى, اۋقىمدى سپورتتىق شارالارعا, ويىن-ساۋىق ورتالىقتارىنىڭ (كاراوكە, بيليارد, كومپيۋتەرلىك كلۋب, تۇنگى كلۋبتار, بوۋلينگ ورتالىقتار, جابىق ءۇي-جايلارداعى بالالاردىڭ ويىن الاڭدارىمەن اتتراكتسيوندار, باتۋتتار جانە باسقالارى), فۋدكورت, بانكەت زالدارى, بۋكمەكەرلىك كەڭسەلەردىڭ, كينوتەاترلاردىڭ (اشىق اۋاداعى كينوتەاترلاردى قوسپاعاندا) قىزمەتىنە تىيىم سالىندى.
مۇنداي تىيىم قوعامدىق جاعاجايلاردىڭ, اكۆاپاركتەردىڭ, اتتراكتسيوندار مەن ساياحاتتاۋ كاتەرلەر (وزەن ترامۆايى) قىزمەتىنە دە سالىنىپ وتىر.
سونداي-اق, قالاارالىق, اۋدانارالىق جانە قالا ماڭىنداعى جولاۋشىلار اۆتوبۋس تاسىمالىنا, 50 ادامنان اسپايتىن مادەني نىسانداردىڭ, تەاترلاردىڭ كىتاپحانالاردىڭ, مۇراجايلاردىڭ, ءدىني وبەكتىلەردىڭ قىزمەتىنە (مەشىتتەر, شىركەۋلەر, سوبورلار, سيناگوگالار جانە ت.ب.) ۇجىمدىق ءىس-شارالاردى وتكىزبەي, جەكە رەجيمدە رۇقسات بەرىلدى. الدىن الا جازىلۋ بويىنشا ساعات 09:00-دەن 22:00-گە دەيىن جالپى سىيىمدىلىعى 30%-دان, بىراق 50 ادامنان اسپايتىن باسسەيندەر, ساۋدا-ويىن-ساۋىق ورتالىقتارى, ساۋدا ۇيلەرى (بۋتيكتەردىڭ), ساۋدا جەلىلەرى جۇمىس ىستەيدى.
سپا-ورتالىقتارى, سۇلۋلىق سالوندارى, شاشتارازدار, كوسمەتيكالىق جانە كوسمەتولوگيالىق قىزمەتتەر كورسەتەتىن ورتالىقتار مەن سالوندار, مانيكيۋر جانە پەديكيۋرلەر كەلۋشىلەرگە قىزمەت كورسەتەدى. ساۋنالار مەن جاتتىعۋ زالدارىنىڭ, فيتنەس ورتالىقتارىنىڭ, سپورت سەكتسيالارىنىڭ, سپورتتىق-ساۋىقتىرۋ ورتالىقتارىنىڭ قىزمەتىنە ساعات 22:00-گە دەيىن رۇقسات ەتىلدى.