كاسىپكەرلەر قۇقىعىن قورعايتىن جوبا

وسى جىلدىڭ تامىز ايىندا دەپارتامەنت پەن ء«سۇيىنىش» جك جانە «ايعاسار» جشس اراسىندا كاسىپ يەلەرىنىڭ زاڭدى قۇقىقتارىن قورعاۋ جونىندە كەلىسىمگە قول قويىلدى. ولاردىڭ ءبىرى ستۋدەنتتەر ءۇشىن جاتاقحانا قۇرىلىسىن سالسا, ەندى ءبىرى قىمىز ءوندىرىپ, ايرىقشا قاجەتتىلىگى بار بالالار ءۇشىن يپپوتەراپيا كلۋبىن اشۋ جوباسىن قولعا الىپ وتىر.  

«Protecting Business and Investments» جوباسى جۇزەگە اسا باستاعالى بەرى دەپارتامەنت پەن وبلىستىق كاسىپكەرلەر پالاتاسى بىرلەسە وتىرىپ, بيزنەس وكىلدەرىنىڭ 60-تان اسا وتىنىشتەرىن قاراعان. وسىلاردىڭ اراسىنان 32 كاسىپكەرلىك سۋبەكتىسىنىڭ ماسەلەسى وڭ شەشىلىپ, قالعاندارىنا قۇقىقتىق كومەك كورسەتىلدى جەر قاتىناستارىنا قاتىستى 10, مەملەكەتتىك ساتىپ الۋعا بايلانىستى 5, ارحيتەكتۋرا مەن قالا قۇرىلىسى ماسەلەسىنە وراي 4, تۇرعىن-ءۇي كوممۋنالدىق شارۋاشىلىق سالاسىنداعى 5, ميگراتسيا مەن كاسىپكەرلىكتى قولداۋ, باسقا دا ماسەلەلەر شەشىمىن تاپتى.  

مىسالى, وتكەن ايدا ەلەكتروندى ۇكىمەت پورتالىندا «نۇرجان م» شارۋا قوجالىعىنىڭ باسشىسى ن. ميرمانوۆتىڭ  سىبايلاس جەمقورلىققا قارسى ءىس-قيمىل اگەنتتىگى توراعاسىنا ۇندەۋى جاريالانعان بولاتىن. «Aنتيكور ورتالىعىندا" جەرگىلىكتى اتقارۋشى ورگاندار تاراپىنان رۇقسات قۇجاتتارىن تىركەۋگە بايلانىستى ماسەلە تۋىنداعان كاسىپكەرمەن, قالالىق اكىمدىكتىڭ ءتيىستى ماماندارىمەن كەزدەسۋ وتكىزىلىپ, شارۋا قوجالىعى باسشىسىنىڭ قۇقىعى قورعالدى. ول بۇل تۋرالى اگەنتتىك توراعاسى اليك شپەكباەۆتىڭ جەكە بلوگىنا جازىپ, العىسىن جەتكىزدى

ءوز جوباسىن جۇزەگە اسىرۋ بارىسىندا اكىمشىلىك كەدەرگىگە ۇشىراعان كاسىپكەرلەر اشىق ديالوگ الاڭدارى ارقىلى قۇقىقتارىن قورعاي الادى. مەملەكەتتىك ورگاندار جۇمىسىن جەتىلدىرۋگە دە ۇسىنىس بەرۋگە مۇمكىندىك بار. بۇل ءبىزدىڭ قوعامدا سىبايلاس جەمقورلىققا قارسى مادەنيەت قالىپتاستىرۋعا سەپتىگىن تيگىزەدى.

اگەنتتىك پەن دەپارتامەنت ءوز كەزەگىندە ينۆەستورلار مەن كاسىپكەرلەر ءۇشىن ىڭعايلى بيزنەس-كليمات قالىپتاستىرۋ ءۇشىن جاعداي جاسايدى.