ەرىكتىلەر ەل ىشىندە

الدىمەن ۆولونتەرلەردىڭ جۇ­مى­­سىن جۇيەلەندىرۋگە ارنالعان volunteer 07.kz سايتى قۇرىلدى. سايت­قا ورال قا­لاسى مەن 12 اۋدان بويىنشا 10 مىڭ­نان استام ادام ۆولونتەر رەتىندە تىر­كەلدى. ونىڭ ىشىندە زەينەت جاسىنان اسقان 8 «التىن» ۆولونتەر, 50 جاستان اسقان 34 «كۇمىس» ۆولونتەر بار ەكەن. ەرىكتىلەردىڭ قالعانى – جاستار.

– ءبىزدىڭ باتىسقازاقستاندىق ۆو­لونتەرلەر جىل باسىنان بەرى 18 مىڭ­نان استام شارا وتكىزدى. اسىرەسە ىندەت كەزىندە ەرىكتىلەر وبلىس بويىنشا 13 مىڭ­نان استام وتباسىنا ازىق-تۇ­لىك, ءدا­رى-دارمەك جانە باسقا دا كو­مەك كور­سەتتى. سونىڭ ىشىندە ەكىنشى دۇ­نيە­جۇ­زىلىك سوعىسى مەن ەڭبەك ارداگەر­لە­رىنە ەرەكشە نازار اۋدارىلدى. وسى توپ­قا جاتاتىن 324 ارداگەردىڭ ۇيىنە ۆولونتەرلەر 10 كۇن سايىن ارنايى بارىپ, قاجەتتى تۇر­مىستىق كومەك كورسەتتى, – دەيدى با­تىس قازاقستان وبلىسىنىڭ اكىمى عالي ەسقاليەۆ.

كارانتيننىڭ العاشقى كەزەڭىندە ەل ءىشى دۇرلىگىپ, قاراپايىم بەتپەردەنىڭ ءوزى تاپشى بولعانى بەلگىلى. وسى كەزدە ورالدىق ەرىكتىلەر حالىققا 350 مىڭ ماسكانى تەگىن تاراتتى. سونىڭ ىشىندە 80 مىڭ بەتپەردەنى ۆولونتەرلەر وزدەرى قولدان تىككەن بولاتىن.

اسىرەسە پاندەميا كەزىندە ادام ءومىرىن ساقتاپ قالۋ ءۇشىن كۇرەسكەن, كوروناۆيرۋس ىندەتىنە وزدەرى شالدىققان مەديتسينا قىزمەتكەرلەرىنە, جالپى سانى 409 ادامعا ۆولونتەرلەر سۋ, ءدارى-دارمەك, باسقا دا تۇرمىستىق قا­جەتتى زاتتارىن جەتكىزىپ, ۇنەمى قام­قورلىق جاساپ تۇردى. سونداي-اق كارانتين جانە لوكداۋن كەزىندە ۆولونتەرلەر قۇقىق قورعاۋ ورگاندارىنىڭ قىز­مەتكەرلەرىمەن بىرگە قوعامدىق قاۋىپ­سىزدىكتى قامتاماسىز ەتۋ جۇمىس­تارىنا اتسالىسىپ, 1206 رەيدكە بىرگە شىعىپتى.

«BIRGEMIZ» taza-alem جالپى­ۇلتتىق جوباسى اياسىندا باتىس­قازاق­ستاندىق ەرىكتىلەر جىل باسىنان بەرى 18 اكتسيا ۇيىمداستىرىپ, 62,2 توننا قوقىستى شىعارعان.

شىنىندا دا ۆولونتەرلەر قوزعا­لىسى الەمدى ابىگەرگە سالعان ىندەت كە­زىندە كەڭ قانات جايدى. ادامزاتقا قاۋىپ-قاتەر توندىرگەن پاندەميا ەل-جۇرتتى بىرىكتىرىپ كەتتى. جەر-جەردە قايىرىمدىلىق شارالارى كۇشەيدى. ماسەلەن, تەرەكتى اۋدانىندا ۆولونتەرلەر 3000-عا جۋىق ماسكا دايىنداپ, تەگىن تاراتسا, توتەنشە جاعداي كەزىندە 183 وتباسىنا ازىق-ت ۇلىك جەتكىزىپ, جال­عىز باستى قاريالارعا 38 مەكەنجاي­لىق كومەك كورسەتتى. اۋداننىڭ 6 ۆو­لونتەرى كارانتين كەزىندەگى ەڭبەگى ءۇشىن مەملەكەت باسشىسى قاسىم-جومارت توقاەۆتىڭ العىس حاتى­مەن ماراپاتتالدى.

ورال قالاسىندا دا 104 ۆولون­تەرلىك ۇيىم قاتارىنداعى 2 مىڭعا جۋىق ۆولونتەر بارلىعى 5 مىڭنان استام وتباسىنا ازىق-ت ۇلىك, ءدارى-دارمەك جانە باسقا دا تۇردە ادرەستىك كومەك كورسەتكەن ەكەن. سونىمەن قاتار ۆولونتەرلەردىڭ كومەگىمەن جينالعان قاراجات ەسەبىنەن 583 وتباسىنا ازىق-ت ۇلىك, 278 وتباسىنا ءدارى-دارمەك جەتكىزىلدى. 53 وتباسىنىڭ ءۇي جۇمىستارىن اتقاردى. بۇلار شىن مانىندە كومەككە مۇقتاج مۇگەدەك نەمەسە قاريا ادامدار بولاتىن. سونداي-اق 168 وتباسى توتەنشە جاعداي كەزىندە بەرىلەتىن 42500 تەڭگەلىك الەۋمەتتىك جاردەماقىنى ءدال وسى ەرىكتىلەردىڭ كومەگىمەن الدى دەۋگە بولادى. ويت­كەنى پاندەميا كەزىندە ءوتىنىم بەرۋ نەگىزىنەن ونلاين ءجۇردى. ال سمارتفون ارقىلى ونلاين ءوتىنىم بەرۋدى ەكىنىڭ ءبىرى بىلە بەرمەيتىن.

ورال قالاسىندا تەك قانا ۆولون­تەر­لەردىڭ كۇشىمەن 130 مىڭ ماسكا تەگىن تاراتىلدى. وسىنىڭ ىشىندە 15 مىڭ ماسكا قولدان تىگىلگەن.

قوعامدىق قاۋىپسىزدىكتى قامتا­ماسىز ەتۋ ىسىنە ەرىكتىلەر كوپ ۇلەس قوستى. ورال قالاسىندا ولار قۇقىق قورعاۋ ورگاندارى قىزمەتكەرلەرىمەن بىرگە 100-گە جۋىق رەيد جاساعان. بۇل رەيدتەر كەزىندە سانيتارلىق-ەپي­دەميالىق تالاپتى بۇزعان 68 دەرەك انىق­تالىپ, ءتيىستى ورگاندارعا جولدانعان.

بايقاپ قاراساق, جاقسىلىق تا, جا­­­ماندىق تا جۇقپالى عوي. ورال­دىق قادىربەك حالەلوۆ ينستاگرام جە­لى­­سىنەن ءبىر كەزدەرى مەكتەپ­تە ساباق بەر­­گەن ۇستازى ايبولات قۇرىم­باەۆ­تىڭ ىندەت كەزىندە ەرىكتى بولىپ, يگى ىسپەن بەلسەندى اينالىسىپ جۇر­گەنىن كورىپ قالىپتى. ءسويتىپ ءبىر توپ دوس­تارى­مەن بىرگە ايبولاتقا حابار­لاس­قان. ءسوي­تىپ جەرگىلىكتى شتابتان ورال قالا­سىن­دا تۇراتىن مۇقتاج وتبا­سىلاردىڭ مە­كەنجايىن الىپ, بىرنەشە مارتە قا­يىرىمدىلىق كومەك كورسەتتى.

– حالىقتىڭ ازاماتتىق بەلسەن­دىلىگىن ارتتىراتىن ەرىكتىلەر قوزعا­لىسىن مەملەكەت تە بارىنشا قول­داۋى, قورعاۋى ءتيىس. «ۆولونتەرلىك قىز­­مەت تۋرالى» زاڭنان بولەك, كەيبىر ماسە­لەلەردىڭ دە باسى اشىلعانى, ناق­تى انىقتالعانى دۇرىس. مىسالى, توتەنشە جاعداي كەزىندە ەرىكتىلەر مەن مەكەمەلەر اراسىندا كەلىسىمشارت جاسالا ما؟ ۆولونتەرلەر تەح­نيكا قاۋىپسىزدىگى بويىنشا نۇس­قاۋ­لىقتان ءوتۋى ءتيىس پە؟ جەكە قور­عا­نىش قۇرالدارىمەن ەرىكتىنى كىم قامت­اماسىز ەتەدى؟ ءوزى ساتىپ الۋى كەرەك پە؟ ەرىكتى قوعامدىق جو­لاۋ­شىلار كولىگىندە تەگىن جۇرە الا ما؟ ۆولونتەرلەردىڭ اتقارعان قىزمەت­تەرىن, قايىرىمدىلىق ىستەرىن تىر­كەپ, ەسەپكە الىپ وتىرعان مەكەمە, ۇيىم بار ما؟ ارينە ەرىكتىلەر بۇل يگى ىستەرىن اقجۇرەكتىكپەن, ەش قاي­تارىم كۇتپەي جاساپ جۇرگەنى انىق, بىراق بۇل ءىس ونىڭ جەكە باسىنا قاۋىپ توندىرمەۋى ءتيىس. مەملەكەت تاراپىنان مۇنداي ازاماتتىق ۇستانىمى مىعىم, بەلسەندى ازاماتتاردى ىنتالاندىرۋ, ماراپاتتاۋ دا ويلاستىرىلۋى جانە بۇل ءىس وتە ءادىل جۇرگەنى ءجون, – دەيدى ورالدىق ۆولونتەر, عىلىمي زەرتتەۋلەردى قورعاۋ قورىنىڭ جەتەك­شىسى ايبولات قۇرىمباەۆ.

ەلىمىزدە پاندەميانىڭ شىرقاۋ شە­گى جاز ايلارىنا كەلدى. قازىر باتىس قا­زاقستان وبلىسىندا دا ىندەت قاۋپى سەيىلىپ, حالىق كۇندەلىكتى تىرلىگىن ءسۇ­رىپ جاتىر. دەگەنمەن ەرىكتىلەرگە قا­شان دا جۇمىس تابىلادى. جاقىندا عا­نا قالا كۇنى مەرەكەسى اياسىندا ورال قا­لا­سىنىڭ ۆولونتەرلەرى «دەگدار» گۋ­مانيتارلىق قورىمەن بىرلەسە وتى­رىپ مۇمكىندىگى شەكتەۋلى قالا تۇر­عىن­دارىنان 160 ادامعا, ەكىنشى دۇنيە­جۇ­زىلىك سوعىسىنىڭ 40 ارداگەرىنە ازىق-ت ۇلىك سەبەتىن تاراتتى.

– قازاقتا «كوڭىل – قىمبات» دەگەن بار عوي. ءبىزدىڭ ءىس-شارامىزدىڭ ءبىر ماق­ساتى – سول قازىنالى قارتتار مەن قالا تۇر­عىندارىنىڭ كوڭىلىن ءبىر كوتەرۋ – دەيدى جاستار بەلسەندىسى دۋلات جۇسىپقاليەۆ.

باتىس قازاقستان وبلىسى