تۇركىستان وبلىسى بويىنشا بارلىق نىساندارداعى سانيتارلىق تالاپتىڭ ساقتالۋىن قوعامدىق باقىلاۋ مۇشەلەرىنەن قۇرىلعان ارنايى مونيتورينگتىك توپ باقىلايدى. رەيدتىك تەكسەرىسكە شىعىپ, باس سانيتار دارىگەردىڭ قاۋلىسىن ەلەمەگەندەرگە اكىمشىلىك شارا قولدانۋدا. 53 ءموبيلدى توپ كارانتين رەجيمى كەزىندە قىزمەتىن جۇزەگە اسىراتىن نىسانداردى ارالادى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
كوروناۆيرۋستىڭ تارالۋىنا جول بەرمەۋ ماقساتىندا جۇرگىزىلگەن ارنايى رەيد كەزىندە ءموبيلدى توپ كاسىپكەرلىك نىسانداردى ارالاپ, بەلگىلەنگەن سانيتارلىق نورمالاردىڭ ساقتالۋىن تەكسەردى. تالاپ بۇزعاندارعا ەسكەرتۋ جاسالدى. 5 شىلدە مەن 10 قازان ارالىعىندا 30 مىڭعا جۋىق نىسان ارالاعان ءموبيلدى توپ كارانتين تالاپتارىن بۇزعان 3701 نىسان انىقتادى. اكىمشىلىك قۇقىق بۇزۋشىلىق تۋرالى حاتتاما تولتىرىلىپ, 150 ملن 217 470 تەڭگە كولەمىندە ايىپپۇل سالىندى.
توي-تومالاققا تىيىم سالىنعانىنا قاراماستان وڭىردە جەكەلەگەن ازاماتتار كەلىن ءتۇسىرىپ, قىز ۇزاتىپ, جيىن وتكىزۋدى توقتاتپاي تۇر. ءموبيلدى توپتىڭ تەكسەرۋىمەن جالپى 236 وتباسىلىق, مەرەكەلىك ءىس-شارالار انىقتالىپ, توي ۋاقىتىنان بۇرىن توقتاتىلدى.