قازالىدا «Tour de Qazaly 2020» ۆەلوجارىسى ءوتتى. سپورتتىق شارانى اۋداندىق ىشكى ساياسات ءبولىمىنىڭ تاپسىرىسىنا سايكەس «ساۋال قازالى» قوعامدىق بىرلەستىگى مەن جاستار رەسۋرستىق ورتالىعى ۇيىمداستىردى, دەپ حابارلايدى Egemen.kz.
ۆەلوجارىس قاشاقباي ءپىرىموۆ اتىنداعى اۋىلدان باستاۋ الدى. جارىسقا قاتىسۋشىلارعا اۋداندىق ىشكى ساياسات ءبولىمىنىڭ باسشىسى ءادىلحان جولەكەشوۆ ساتتىلىك تىلەپ, بۇل شارانىڭ بۇقارالىق سپورتتى دامىتۋداعى ءرولىن اتاپ ءوتتى.
ايتەكە بي كەنتىندەگى «جەڭىس» ساياباعىنىڭ الدىنداعى مارەگە العاشقى بولىپ داۋرەن بەكەت جەتىپ, جەڭىمپاز اتاندى. ال, باعدات ابەكەنوۆ پەن باۋىرجان ورىنباساروۆ ەكىنشى, ءۇشىنشى ورىنداردى ءوزارا ءبولىستى.
ۆەلوجارىستىڭ جۇلدەگەرلەرىن اۋدان اكىمىنىڭ ورىنباسارى ءالىبي ابيەۆ قۇتتىقتاپ, جەڭىمپازعا جاڭا ۆەلوسيپەد تابىس ەتتى.
جارىستى وزگە سپورتشىلاردى نازاردان تىس قالدىرمادى. ۆەلوشاباندوزداردى بىرنەشە نوميناتسيا بويىنشا ماراپاتتاپ, باعالى سىيلىقتار تابىستادى.
قىزىلوردا وبلىسى