اتىراۋدا كارانتين رەجىمىن بۇزعاندار انىقتالدى

اتىراۋ پوليتسەيلەرى موبيلدىك توپ قۇرامىندا جۇما – جەكسەنبى كۇندەرى ارالىعىندا كارانتين رەجىمىنە ساي تالاپتاردى ورىنداماعان ونداعان توي يەلەرىن انىقتادى.

اتاپ ايتقاندا, قالانىڭ مەچنيكوۆ كوشەسىندەگى ۇيلەردىڭ بىرىندە 30-40 اداممەن توي وتكىزىلگەن. ستۋدەنتتەر كوشەسىندە ورنالاسقان مەيرامحانالاردىڭ بىرىندە ءوتىپ جاتقان تويدا 80 ادام, "الماگۋل" ىقشام اۋدانىنداعى مەيرامحانادا تويلانعان تۋعان كۇندە 50-60 ادام, سونداي-اق تايمانوۆ كوشەسىندەگى مەيرامحانادا 50-60 ادام جينالعان توي انىقتالدى.

"جەرۇيىق" ىقشام اۋدانىندا ورنالاسقان مەيرامحانالاردىڭ بىرىندەگى كاراوكە باردا 15-20 ادام انىقتالدى. سونىمەن قاتار لەسحوز ىقشام اۋدانىنداعى جانە ۆلاديميرسكي كوشەسىندە ورنالاسقان ەكى كاليان – بار يەلەرى دە كارانتين رەجىمىنە قاتىستى تىيىمدارعا قاراماي, جۇمىس جاساعان. انىقتالعان دەرەكتەرگە قاتىستى جيناقتالعان قۇجاتتار اتىراۋ قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.