ورالدا قازاقستان رەسپۋبليكاسى ۇلتتىق ۇلانىنىڭ «باتىس» وڭىرلىك قولباسشىلىعى باسقارماسىنىڭ بازاسىندا اسكەري جوعارى وقۋ ورنىن 2019 جىل تامامداعان جاس ساردارلاردىڭ بەس كۇندىك وقۋ-ادىستەمەلىك جيىنى ءوتتى, دەپ حابارلايدى Egemen.kz.
"جيىننىڭ ماقساتى جاس وفيتسەرلەردىڭ قىزمەتتىك-جاۋىنگەرلىك جانە ادىستەمەلىك-پراكتيكالىق داعدىلارىن ارتتىرۋ, سونداي-اق جاس مامانداردىڭ جەكە كاسىبي قاسيەتتەرىن جەتىلدىرۋ بولدى. وسى جيىندا جاس ساردارلار جەكە قۇرامدى وقىتۋ مەن تاربيەلەۋدىڭ بىرىڭعاي ادىستەمەسى مەن جاڭا نىساندارىن تاعى دا پىسىقتادى", - دەيدى قولباسشىلىقتىڭ ءباسپاسوز قىزمەتى جەتەكشىسى پودپولكوۆنيك ەربولات سۇلتانوۆ.
وقۋ-ادىستەمەلىك جيىندا ءىس-ساباقتارىن "باتىس" وڭىرلىك قولباسشىلىعى قولباسشىسىنىڭ ورىنباسارى پولكوۆنيك پاۆەل سيتنيكوۆ باسقارىپ جۇرگىزگەن. اتىراۋ, اقتوبە, اقتاۋ جانە ورال گارنيزوندارىنان كەلگەن 30-عا جۋىق جاس لەيتەنانت بەس كۇن بويى قازاقستان رەسپۋبليكاسى ۇكىمەتىنىڭ جارلىقتارىن, قاۋلىلارىن, اسكەري-جاۋىنگەرلىك قىزمەتتىڭ نەگىزگى باسىمدىقتارىن, فۋنكتسيونالدىق مىندەتتەرى مەن جالپى اسكەري جارعىلارىن ايقىندايتىن باسشىلىق قۇجاتتار مەن ديرەكتيۆالاردى ءبىلۋى بويىنشا سىناقتان ءوتتى.
العاشقى كۇنى قازاقستان رەسپۋبليكاسى ۇلتتىق ۇلان "باتىس" وڭىرلىك قولباسشىلىعى قولباسشىسى گەنەرال-مايور ارمان جۇماعاليەۆ جاس لەيتەنانتتارمەن رەسمي كەزدەسىپ, 2020 جىلدىڭ توعىز ايىنداعى جاۋىنگەرلىك قىزمەت قورىتىندىسى تۋرالى ايتىپ بەردى. وڭىرلىكقولباسشىلىقتىڭتاجىريبەلى وفيتسەرلەرى مەن باسقارما باستىقتارى دا جاس كومانديرلەرگە قوعامدىق ءتارتىپتى ساقتاۋ, سوت پروتسەستەرى كەزىندە سوتتالۋشىلاردى كۇزەتۋ, سوتتالعانداردى تاسىمالداۋ كەزىندە تاجىريبەسىمەن, سونداي-اق اسا ماڭىزدى مەملەكەتتىك نىسانداردى كۇزەتۋ كەزىندەگى ەرەكشەلىكتەرىمەن وي ءبولىستى.
جيىننىڭ ءۇشىنشى كۇنى "سۇڭقار" وقۋ-دالا ورتالىعىندا اتىس دايارلىعى بويىنشا ساباق ءوتىپ, جاس ساردارلار اك-74 اۆتوماتى مەن ماكاروۆ تاپانشاسىنان وق اتۋ, بەلتەمىرگە تارتىلۋ جانە 100 مەترگە جۇگىرۋ, اۆتوماشينا جۇرگىزۋ جانە جاپپاي قىرىپ-جويۋ قارۋىنان قورعاۋ, تاكتيكالىق, ينجەنەرلىك دايىندىق سەكىلدى سىناقتاردان سايىستى.
ء"بىز جاس وفيتسەرلەردىڭ اسكەري قىزمەت جاعدايىنا بەيىمدەلۋىن ۇنەمى قاداعالاپ وتىرامىز. ويتكەنى ولار كەز-كەلگەن جاعدايدا ارەكەت ەتۋگە دايىن بولۋى كەرەك. وقۋ-جاتتىعۋ جيىندارىنىڭ باستى مىندەتى – تۇلەكتەردىڭ وقۋ كەزىندە العان ءبىلىمىن جەتىلدىرۋ جانە وزدەرىنىڭ فۋنكتسيونالدىق مىندەتتەرىن ورىنداۋ ءۇشىن پراكتيكالىق داعدى بەرۋ", - دەيدى پولكوۆنيك پاۆەل سيتنيكوۆ.
وقۋ-ادىستەمەلىك جيىنعا قاتىسۋشىلار ساباقتاردان تىس كەزدە مادەني-دەمالىس ءىس-شارالارعا قاتىسىپ, ورال قالاسىنىڭ كورىكتى جەرلەرىن ارالادى. اق جايىق ءوڭىرىنىڭ تاريحىمەن تانىسىپ, مۇراجايلارىن تاماشالادى.
باتىس قازاقستان وبلىسى