ىندەتكە شالدىققان ەمحانا قىزمەتكەرلەرىنە وتەماقى تولەنبەگەن

اتالعان ەمحانا 65 مىڭ تۇر­عىنعا قىزمەت كورسەتەدى. مۇن­دا 300-گە جۋىق مەديتسينا قىزمەتكەرى جۇمىس ىستەيدى. الاي­دا بۇل ەمحانادا كوروناۆيرۋس ينفەكتسياسىن جۇقتىرعان مەديتسينالىق قىزمەتكەرلەرگە تولەنەتىن وتەماقىعا قول جەتكىزە الماعاندار بار. ماسەلەن, ەمحانادا تىركەۋشى بولىپ جۇمىس ىستەيتىن كوپبالالى انا ماريا قوناروۆا العاشقىلاردىڭ قاتارىندا كوروناۆيرۋس ينفەكتسياسىن جۇقتىرعان.

– كوروناۆيرۋسقا قارسى تاپ­سىر­عان تەست وڭ ناتيجە كورسەتىپ, وعان قوسا پنەۆمونيا دياگنوزى قويىلدى. اۋرۋحانادا ەمدەلىپ شىقتىم, – دەيدى م.قوناروۆا. – ارىپتەستەرىمنىڭ اراسىندا ەمدەلگەن سوڭ جۇمىسقا قايتا شىققاندارى بار. ءبىز وتەماقى الۋعا ەكى رەت قۇجات تاپسىردىق. بىراق ەكەۋىندە دە وتەماقى تولەن­گەن جوق. ونىڭ سەبەبىن دە تۇسىن­دىر­مەي, باس تارتىلدى. نەگە؟

ەمحانانىڭ رەنتگەنولوگى ازا­مات ادىلبەك ۇلى پاندەميانىڭ ءبىرىنشى تولقىنىندا دەنە قىزۋى 390س-قا كوتەرىلسە دە جۇمىس ورنىن تاستاپ كەتپەگەن. ونى الماستىراتىن ەكىنشى رەنتگەنولوگ اۋىرىپ, جۇمىسقا شىقپاي قالعان.

– كومپيۋتەرلىك توموگرافيا ناتيجەسىمەن پنەۆمونيا بولساق تا, قىزمەتىمىزدى اتقارا بەرۋگە تۋرا كەلدى. كت-عا ءوز ارىپتەستەرىمدى دە ءتۇسىردىم. ولاردىڭ كوبىندە پنەۆمونيا بولعانىن دالەلدەي الامىن, – دەيدى ازامات ادىلبەك ۇلى.

مەدبيكە بالجان تولەگە­نو­ۆا­نىڭ دا قاۋىپتى ىندەتپەن اۋىر­عانىن دالەلدەيتىن كومپيۋ­تەر­لىك توموگرافيادان العان انىق­تاماسى بار. بىراق نەگە ەكە­نى بەلگىسىز, وعان دا ءالى كۇنگە وتەماقى تولەنبەي وتىر. بلوك-بەكەت­تە جۇمىس ىستەپ, كاسىبىنە ادالدىعىنان تايماعان مەدبيكە پرەزيدەنت تاپسىرماسىنىڭ ورىندالماعانىنا ناليدى.

ادال ەڭبەگى ەلەنبەگەن مەديتسينا قىزمەتكەرلەرىمەن وب­لىس­­تىق دەنساۋلىق ساقتاۋ باس­قار­ماسى باسشىسىنىڭ مىن­دە­تىن ۋاقىتشا اتقارۋشى اسحان باي­دۋا­ليەۆ كەزدەسۋ وتكىزدى. الاي­دا ول وتەماقى­نىڭ كوميسسيا شەشى­مىمەن عانا تولە­نەتىنىن تۇسىندى­رۋ­مەن عانا شەك­تەلدى.

– پرەزيدەنتتىڭ تاپسىرماسىنا سايكەس, دەنساۋلىق ساقتاۋ مينيست­رلىگى مەن ەڭبەك جانە حا­لىق­­­تى الەۋمەتتىك قورعاۋ مي­نيس­ت­ر­لىگىنىڭ قىزمەت بارىسىندا كوروناۆيرۋس جۇقتىرعان مەدي­تسينالىق قىزمەتكەرلەرگە ەپي­دەميالىق تەكسەرۋ ناتي­جەسىن­دە وتەماقى تولەۋ تۋرالى بىرلەسكەن بۇيرىعى بار. سوعان ساي كە­لەتىن دارىگەرلەرگە وتەماقى تولەنەدى. قازىر اتىراۋ وبلىسىندا كوروناۆيرۋس ينفەكتسياسى مەن ۆيرۋستىق پنەۆمونيا جۇقتىردىق دەپ جاردەماقى الۋ ءۇشىن 955 مەديتسينا قىزمەتكەرى قۇجات تاپسىردى. ولار­دىڭ قۇجاتتارىن كوروناۆيرۋس ىندەتىمەن كۇرەستە قىزمەت ەتكەن مەديتسينا قىزمەت­كەر­لە­رىنە ۇستەمەاقى مەن وتەماقىنى تولەۋ جونىندەگى كوميسسياسى تۇ­­راق­­ت­ى تۇردە قاراۋدا, – دەيدى اسحان بايدۋاليەۆ. – وسى كەزگە دەيىن كوميسسيا 9 وتىرىس وتكىزدى. قۇجات­تاردىڭ 474-ءى ماقۇلدانىپ, 481-ءى كەرى قايتارىلدى. بىراق جا­قىندا اتالعان بۇيرىققا بىر­قاتار وزگەرىس ەنگىزىلۋىنە بايلانىستى دارىگەرلەردىڭ قۇجاتتارىن كوميسسياعا قايتا بەرىپ, قازىر قارالىپ جاتىر.

بۇل ەمحانانىڭ بۇدان وزگە دە تۇيتكىلى بار ەكەن. باسقارما باسشى­سىنىڭ مىندەتىن ۋاقىتشا اتقارۋشىنىڭ ايتۋىنشا, №1 اتىراۋ قالالىق ەمحانانىڭ ەسەپشوتىنان 70 ملن تەڭگە ۇرلانىپ كەتىپتى. ۇرىنىڭ ەسەپشوتتان ءىرى كولەمدەگى قارجىنى ەلەكتروندى تۇردە قولدى ەتكەنى انىقتالىپ وتىر. قازىر قۇقىق قورعاۋ ورگاندارى ءتيىستى تەرگەۋ-انىقتاۋ جۇمىستارىن جۇرگىزىپ جاتىر.

اتىراۋ وبلىسى