بيىل ىندەتكە قارسى كۇرەسكە سىر بويىنداعى كاسىپكەرلىك قۇرىلىمدار مەن ءتۇرلى كاسىپورىندار, جەكە ازاماتتار ۇلەس قوسىپ, دەرتتى بولدىرماۋعا بارىن سالدى.
جاڭاقورعانداعى اۋدانارالىق اۋرۋحانانىڭ وزىنە وكپەنى جاساندى جەلدەتەتىن 2 اپپارات, 53 وتتەگى كونتسەنتراتورى, 10 پۋلسوكسيمەتر قۇرىلعىسى جانە 1 «جەدەل جاردەم» كولىگى بەرىلدى. ەندى ەمدەۋ مەكەمەسى قۇنى 14 ملن تەڭگە بولاتىن «ماك» جىلجىمالى رەنتگەن اپپاراتىمەن تولىقتىرىلىپ وتىر. قۇندى قوندىرعىنى «قازگەرمۇناي» بك» جشس الىپ بەرگەن.
ەمدەۋ مەكەمەسىندە وسىعان بايلانىستى ءىس-شارا وتكىزىلىپ, وعان اۋدان اكىمى رۋسلان رۇستەموۆ, «قازگەرمۇناي» بك» جشس باس ديرەكتورى مۇرات مۇستافاەۆ, وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى انار شۇكىروۆا قاتىستى.
ماماندار بۇل قوندىرعىنىڭ ناۋقاستار دەرتىن ءدوپ باسۋعا كومەگى كوپ بولاتىنىن ايتىپ وتىر. سالتاناتتى شارادا جەكە كاسىپكەر نۇرلىبەك زاكيروۆ ءوز قاراجاتى ەسەبىنەن اۋرۋحاناعا وتتەگى كونتسەنتراتىن سىيعا تارتتى.
قىزىلوردا