قاراعاندى تۇرعىنىنىڭ ۇيىنەن جالپى قۇنى 76 ميلليون تەڭگە بولاتىن ەسىرتكى جانە ەسىرتكى زەرتحاناسى انىقتالدى.
«قاراسورا-2020» جەدەل الدىن الۋ ءىس-شاراسىن وتكىزۋ بارىسىندا پوليتسيا قىزمەتكەرلەرى سومكە ۇستاعان ەر ادامدى قولعا ءتۇسىردى. ونىڭ ىشىندە سالماعى 750 گرامم بولاتىن اق ءتۇستى كريستالدى زات سالىنعان پاكەت بولعان. ءۇيىن ءتىنتۋ كەزىندە پوليتسيا قىزمەتكەرلەرى جالپى سالماعى 5 كەلىدەن اساتىن ەسىرتكى زاتىن تاركىلەدى.
سونىمەن قاتار سينتەتيكالىق ەسىرتكى شىعاراتىن زەرتحانانى اشكەرەلەدى. اتالعان فاكتى بويىنشا قىلمىستىق ءىس قوزعالدى.