جاقىندا "ۇزدىك اۋىل اكىمى" رەسپۋبليكالىق بايقاۋىنا يساتاي اۋدانىنداعى تۇششىقۇدىق اۋىلدىق وكرۋگىنىڭ اكىمى ءمادي وتەعاليەۆ "ۇزدىك ىسكەر-شارۋا اكىم" نوميناتسياسىنا يە بولعان ەدى. ونى اتىراۋ وبلىسىنىڭ اكىمى ماحامبەت دوسمۇحامبەتوۆ قۇتتىقتاپ, العىس حات تاپسىردى.
«ۇزدىك اۋىل اكىمى» – رەسپۋبليكالىق بايقاۋى ەلىمىزدە العاش رەت وتكىزىلگەن ماڭىزدى دودا. وسىنداي ايتۋلى شارادا باق سىناپ, ۇزدىكتەر قاتارىنان كورىندىڭىز. سونداي-اق, ءوڭىر ابىرويىن اسقاقتاتىپ, رەسپۋبليكالىق دەڭگەيدە مەملەكەتتىك قىزمەتشىلەرگە ۇلگى كورسەتتىڭىز.
بايقاۋعا ۇسىنعان «قۇمدى ايماقتاردا مال شارۋاشىلىعىن دامىتۋداعى سۋ ماسەلەسى» تۋرالى جوبالىق-جوسپارىڭىز راسىندا وڭىرىمىزگە عانا ەمەس, ەلىمىزگە كەرەكتى ماڭىزدى جوبالاردىڭ ءبىرى دەپ ەسەپتەيمىن» دەدى ماحامبەت دوسمۇحامبەتوۆ.