قالا تۇرعىندارى مەن قوناقتارى الداعى دەمالىس كۇندەرى تەاترلاندىرىلعان قويىلىمداردى, ەكسكۋرسيالار مەن ەلوردانىڭ مادەني مەكەمەلەرىندەگى ونلاين كەزدەسۋلەردى تاماشالاي الادى. بارلىق ءىس-شارالار قاتاڭ سانيتارلىق تالاپتارعا سايكەس وتەدى.
10 قازاندا ساعات 18:30-دا Nomad City Hall-دا تەاتردىڭ III ماۋسىمىنىڭ اشىلۋىنا وراي م.فرەيننىڭ «تەاتر 180 °» سپەكتاكلى وتەدى.
ەلوردانىڭ قۋىرشاق تەاترى 10 قازاندا ساعات 14:00-دە كىشكەنتاي كورەرمەندەرگە ارناپ «ا زناەش لي تى, چتو...؟» جانە «يزۋچاەم پوۆادكي جيۆوتنىح» اتتى ونلاين باعدارلاما وتكىزەدى. 22: 00-دە بالالارعا كەشكى ەرتەگى كورسەتىلەدى. تەاتردىڭ الەۋمەتتىك جەلىلەرىنە سىلتەمە: instagram.com/teatrkukolnursultan, facebook.com/teatr.kukol.astana
10 قازاندا ساعات 19: 00-دە «جاستار» تەاترىندا «اكتەرلار الەمى» ءىىى بۋىن اكتەرلەرىمەن بىرگە الەۋمەتتىك جەلىلەردە ونلاين-ترانسلياتسيا وتەدى: instagram.com/zhastar_teatry; facebook.com/zhastar.theatry; youtube.com.
م. گوركي اتىنداعى دراما تەاترى 10 قازاندا ساعات 18.00-دە ر.كۋنيدىڭ «سمەشنىە دەنگي» كومەدياسىن ۇسىنادى. پەسا الەۋمەتتىك جەلىلەردە كورسەتىلەدى: youtube.com; youtube.com; instagram.com.
«الجير» ساياسي قۋعىن-سۇرگىن جانە توتاليتاريزم قۇرباندارىنىڭ مۇراجاي-مەموريالدى كەشەنىندە دەمالىس كۇندەرى «الاش» زالىنا ەكسكۋرسيا ۇيىمداستىرىلىپ, كەلۋشىلەر ءۇشىن «ليۋتىي حولود «الجيرا» دەرەكتى ءفيلمى كورسەتىلەدى.