قۇدىقتارداعى قاقپاقتار ۇرلانباس ءۇشىن ەلوردا اكىمدىگى تەستىلىك رەجىمدە قاقپاقتاردىڭ اشىلۋىن عانا ەمەس, ولاردىڭ ونلاين رەجىمىندە قوزعالۋىن دا تىركەيتىن داتچيكتەردىڭ جۇمىسىن زەرتتەپ جاتىر. وسىنداي سمارت داتچيكتەر نوسەر كارىزدەرىنىڭ بىرقاتار قۇدىقتارىنا ورناتىلعان, دەپ حابارلايدى Egemen.kz ەلوردا اكىمدىگىنە سىلتەمە جاساپ.
داتچيكتەردىڭ جۇمىس ءپرينتسيپى ولاردىڭ كوورديناتتار جۇيەسىندە ورنالاسۋىن باعدارلامالاۋعا نەگىزدەلگەن. كوورديناتتار جۇيەسى 10 جانە ودان دا كوپ گرادۋسقا اۋىتقىعان كەزدە داتچيك اقپاراتتىق جۇيەدە, سونداي-اق Telegram ءموبيلدى قوسىمشاسىندا كورسەتىلەتىن دابىل سيگنالىن بەرەدى.
قۇدىق قاقپاعى ۇرلانعان جاعدايدا, اقپاراتتىق جۇيەدە ونىڭ قوزعالىس تراەكتورياسى كورسەتىلەدى. داتچيكتى قاقپاققا بەكىتۋ ارقىلى سۋ باسۋدان جانە بوگدە ادامداردىڭ ونى ج ۇلىپ اكەتۋىنەن قورعايدى.
وسىلايشا, بۇل جۇيە ءوزىنىڭ تيىمدىلىگىن كورسەتىپ, قۇقىق قورعاۋ ورگاندارىنىڭ كۇشىمەن 2020 جىلدىڭ 11 قىركۇيەگىندە شويىن قاقپاقتاردى ۇرلاعاندار ۇستالدى. اقپاراتتىق جۇيەگە قاقپاقتار قوزعالىسىنىڭ سيگنالى مەن تراەكتورياسى, ولاردىڭ سوڭعى ورنالاسقان جەرى كورسەتىلدى. ۇرلىق بويىنشا 188-باپ, 2-ءبولىم 1-تارماق بويىنشا ءىس قوزعالدى.