اتىراۋدا شارۋاگەرلەردىڭ جاز بويى تىرنەكتەپ جيناعان ءشوبى ورتەنىپ جاتىر. وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى ۇسىنعان مالىمەتكە سۇيەنسەك, ءورت اۋىل شارۋاشىلىعى تەحنيكالارىنان شىعاتىن ۇشقىننان تۇتانادى ەكەن. وسى جانە وزگە دە سەبەپتەرمەن 5 وقيعا تىركەلىپ وتىر, دەپ حابارلايدى Egemen.kz.
«جىلىوي اۋدانىنىڭ «ماناس» شارۋا قوجالىعىندا 28 ءشوپ ورامى, قۇرمانعازى اۋدانى, جاپىرىق اۋىلىنداعى جەكە تۇرعىن ءۇيدىڭ اۋلاسىندا جينالعا 6 ءشوپ ورامى, بايدا اۋىلدىق وكرۋگىنىڭ باتپاق كوپىر ۋچاسكەسىندەگى «تورەعاليەۆا» شارۋا قوجالىعىندا 1200 ءشوپ ورامىنىڭ جانىپ كەتتى. سونداي-اق, يندەر اۋدانى, ەسبول اۋىلدىق وكرۋگىندە تىركەلگەن «اماندوس» شارۋا قوجالىعىندا 50 ءشوپ ورامى, قىزىلقوعا اۋدانى, جانتەرەك اۋىلىنداعى №57 ءۇيدىڭ اۋلاسىندا تۇرعان 18 ءشوپ ورامى دا ورتەندى» دەپ حابارلادى دەپارتامەنتتىڭ ءباسپاسوز قىزمەتىنەن.