قازاقستان رەسپۋبليكاسىنىڭ «مەملەكەتتىك كورسەتىلەتىن قىزمەتتەر تۋرالى» زاڭىندا مەملەكەتتىك قىزمەتتەردى ۇسىنۋدان باس تارتۋ ءۇشىن بىرقاتار نەگىزدەر كوزدەلگەن.
قىزمەت كورسەتۋدەن باس تارتۋ كەزىندە زاڭناما تالاپتارىنىڭ بۇزىلۋىنىڭ الدىن الۋ ماقساتىندا مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتى تۇراقتى نەگىزدە قىزمەت كورسەتەتىن مەملەكەتتىك ورگانداردا ءتۇسىندىرۋ جۇمىستارىن جۇرگىزەدى.
وسىلاي كارانتين رەجىمى جاعدايىندا ونلاين-جينالىس وتكىزىلىپ, وعان اۋداندار مەن وبلىستىق ماڭىزى بار قالالاردىڭ اكىمى اپپاراتتارىنداعى زاڭ قىزمەتى, ىشكى باقىلاۋ قىزمەتى بولىمدەرىنىڭ, جەر قاتىناستارى مەن ساۋلەت بولىمدەرىنىڭ باسشىلارى قاتىستى.
دەپارتامەنتتىڭ مەملەكەتتىك قىزمەتتەر باسقارماسىنىڭ باسشىسى ادىلبەك مۇحامەدجانوۆ زاڭناماعا سايكەس قىزمەت الۋشىلاردىڭ قۇجاتتارىنىڭ دۇرىس بولماۋى, ۇسىنىلعان مالىمەتتەردىڭ زاڭناما تالاپتارىنا سايكەس كەلمەۋى, مەملەكەتتىك قىزمەتتى كورسەتۋ ءۇشىن تالاپ ەتىلەتىن كەلىسۋ تۋرالى سۇرانىسقا ۋاكىلەتتى مەملەكەتتىك ورگاننىڭ بەرگەن تەرىس جاۋابى, سونداي-اق ساراپتامانىڭ, زەرتتەۋدىڭ نە تەكسەرۋدىڭ تەرىس قورىتىندىسى مەملەكەتتىك قىزمەتتەردى كورسەتۋدەن باس تارتۋ ءۇشىن نەگىز بولاتىنىن اتاپ ءوتتى.
سونىمەن قاتار قىزمەتتى نەمەسە ونىڭ بولەك تۇرلەرىن اتقارۋعا تىيىم سالۋ تۋرالى زاڭدى كۇشىنە ەنگەن سوت شەشىمى بار, نە بولماسا مەملەكەتتىك قىزمەتتى الۋعا بايلانىستى ارنايى قۇقىعىنان ايىراتىن سوت شەشىمى بار قىزمەت الۋشىلارعا مەملەكەتتىك قىزمەت كورسەتىلمەۋى مۇمكىن. قىزمەت الۋشى قىزمەت ۇسىنۋدان باس تارتۋدىڭ سەبەپتەرىن جويعان جاعدايدا قىزمەت الۋعا قايتا جۇگىنە الادى.
جينالىس بارىسىندا قىزمەت ۇسىنۋشىلارعا قىزمەت الۋشىلاردىڭ قۇقىقتارى, سونداي-اق قىزمەت ۇسىنۋشىلاردىڭ قۇقىقتارى مەن مىندەتتەرى ءتۇسىندىرىلدى. ءا.مۇحامەدجانوۆتىڭ ايتۋىنشا, قىزمەت ۇسىنۋشىلار ازاماتتارعا مەملەكەتتىك قىزمەت الۋ ءۇشىن تەڭ جاعداي جاساپ, قاعازباستىلىققا جول بەرمەۋى, اشىقتىق پەن تيىمدىلىك قاعيداتتارىن ۇستانۋى, قىزمەت كورسەتۋ پروتسەسىن تۇراقتى نەگىزدە جەتىلدىرۋى ءتيىس.
كەڭەس قورىتىندىسى بويىنشا قىزمەت الۋشىلاردىڭ قۇقىقتارىن قورعاۋدى قامتاماسىز ەتۋگە باعىتتالعان ۇسىنىمدار ازىرلەندى.
اقمولا وبلىسى