قازپوشتا سالاسىندا 30 جىلداي ەڭبەك ەتىپ, زەينەتكە شىقتىم. ول زاماندا جۇمىستى تەحنيكانىڭ كۇشىمەن ەمەس, بارلىعىن ءوز قولىمىزبەن ىستەيتىنبىز. ءار پوشتا مەكەمەسىنە گازەت-جۋرنال جەتكىزۋگە ارنايى كولىكتەر كەلەتىن.
پوشتاشىلار وزدەرىنىڭ سومكەلەرىنە سىيعانىنشا گازەت-جۋرنال, حات-حاباردى سالىپ, كۇندە قالا كەزىپ جۇرەتىن. شاھاردىڭ ءار اۋدان, كوشەلەرىندە ارنايى پوشتا جاشىكتەرى ورناتىلىپ, ەسىگى ق ۇلىپتاناتىن. تاۋەلسىزدىكتىڭ العاشقى جىلدارى حات, سالەمدەمە وتە كوپ بولعاندىقتان بوس وتىرۋعا ۋاقىت بولمايتىن. پوشتاعا كەلگەن تۇرعىندارعا دۇرىس قىزمەت كورسەتۋگە تىرىساتىنبىز.
وسى سالاداعى ەڭبەگىمدى ەلەپ ەسكەرىپ, وڭىردەن ماسكەۋدە وتكەن كەڭەستەر وداعىنىڭ القالى جيىندارىنا دەلەگات بولىپ قاتىسىپ قايتتىم. وسى سالادا تاپجىلماي جۇمىس ىستەپ 2008 جىلى ۇجىمداستار ون ءبىرىنشى پوشتا بولىمشەسىنەن قۇرمەتتى زەينەتكەرلىككە شىعارىپ سالدى.
امانگۇل بەيسەنوۆا,
زەينەتكەر, پوشتا سالاسىنىڭ ۇزدىك مامانى