رەيدتىك شارا كەزىندە تابيعاتتى قورعاۋ پوليتسياسىنىڭ قىزمەتكەرلەرى شەمونايحا اۋدانى, ۇلكەن وزەن اۋىلىنان 7 شاقىرىم جەردە ولگەن ايۋدىڭ قالدىقتارىنا كەز بولعان.
جەدەل-ىزدەستىرۋ شارالارى بارىسىندا تىركەلمەگەن ەكى ۇڭعىلى تەگىس مىلتىقپەن ايۋ اتىپ, ەتىن بولشەكتەپ, وزىمەن الىپ كەتكەن 26 جاستاعى ۇلكەن وزەن اۋىلىنىڭ تۇرعىنى ۇستالدى.
كۇدىكتىنىڭ تۇرعىلىقتى جەرىن ءتىنتۋ كەزىندە: تىركەلمەگەن ەكى ۇڭعىلى تەگىس مىلتىق پەن وقتارى, پىشاق, موتوتسيكل جانە ەلۋدەن اسا پوليەتيلەن پاكەتىنە سالىنعان ايۋدىڭ ەتى تاركىلەندى, - دەيدى وبلىستىق پوليتسيا دەپارتامەنتىنىڭ باستىعى ساعات ماديەۆ.
ورىن العان وقيعاعا بايلانىستى قىلمىستىق كودەكستىڭ 337 بابى, 1 بولىگى (زاڭسىز اڭشىلىق) نەگىزىندە سوتقا دەيىنگى تەرگەۋ امالدارى جۇرگىزىلۋدە.
شىعىس قازاقستان وبلىسى