ەلىمىزدەگى اۋەجايلار بيىلعى 8 ايدا شامامەن 6,2 ملن جولاۋشىعا قىزمەت كورسەتتى. بۇل وتكەن جىلدىڭ ءتيىستى كورسەتكىشىنەن (11,8 ملن ادام) 47% از.
وسى كەزەڭدە 3,2 ملن جولاۋشى تاسىمالداندى. بۇل كورسەتكىش تە وتكەن جىلدىڭ سايكەس كەزەڭىمەن (5,6 ملن جولاۋشى) سالىستىرعاندا 43% تومەن.
بۇعان الەمدە كوروناۆيرۋس ينفەكتسياسىنىڭ تارالۋىنا بايلانىستى قازاقستان اۋماعىندا اۋە رەيستەرىن ورىنداۋعا ەنگىزىلگەن شەكتەۋلەر اسەر ەتتى.
قازىرگى ۋاقىتتا ىشكى رەيستەر, سونىمەن قاتار وڭتۇستىك كورەيا, نيدەرلاندى, بىرىككەن اراب امىرلىكتەرى, گەرمانيا, تۇركيا, بەلارۋس, ۋكراينا, وزبەكستان, قىرعىزستان, ەگيپەت جانە رەسەي سياقتى 11 ەلگە تىكەلەي حالىقارالىق جولاۋشىلار رەيسى ورىندالۋدا.
بارلىق رەيستەر قر كولىكتەگى باس سانيتارلىق دارىگەرىنىڭ قاۋلىسىنا سايكەس سانيتارلىق-ەپيدەميولوگيالىق قاۋىپسىزدىكتىڭ شارالارىن قاتاڭ ساقتاي وتىرىپ, ورىندالادى.
ەلىمىزدىڭ بارلىق اۋەجايلارىندا دەزينفەكتسيالىق جۇمىستار جۇرگىزىلۋدە. قولدى وڭدەۋگە ارنالعان سانيتايزەرلەر ورناتىلىپ, كارانتيندىك شارالار (الەۋمەتتىك قاشىقتىق, بەتپەردە تاعۋ, قولعاپ كيۋ) ساقتالادى. اۋەجاي عيماراتتارىنا كىرەبەرىستە جولاۋشىلار مەن اۋەجاي قىزمەتكەرلەرى اراسىندا قاشىقتىق ساقتاپ, تەرمومەتريامەن ولشەۋ جۇرگىزىلەدى.