تاعى ءبىر ازاماتتىڭ ءومىرى جول ۇستىندە ءۇزىلدى. بىراق كولىك اپاتىنان ەمەس. قىزىلقوعا اۋدانىنىڭ اۋماعىمەن وتەتىن "اقتوبە-اتىراۋ-رەسەي فەدەراتسياسى شەكاراسى" باعىتىنداعى جولدى جاڭعىرتۋعا تارتىلعان جۇمىسشىنىڭ اياعىن ىستىق اسفالتتى تەگىستەيتىن ارنايى تەحنيكا باسىپ كەتكەن, - دەپ حابارلايدى Egemen.kz
اۋىر جاراقات العان جۇمىسشى اۋرۋحاناعا بارا جاتقان جولدا كوز جۇمعان.
بۇل دەرەكتى وبلىستىق پوليتسيا دەپارتامەنتىنىڭ ءباسپاسوز قىزمەتى راستادى. وقىس وقيعا 3 قازاندا قىزىلقوعا اۋدانىندا بولعان. قازىر ارنايى تەكسەرۋ جۇمىستارى باستالدى.