ەكونوميكالىق تەرگەۋ دەپارتامەنتى "بۇركىت" ارنايى ماقساتتاعى جاساعىنىڭ كومەگىمەن جاسىرىن جۇمىس ىستەگەن كازينونى انىقتادى, دەپ حابارلايدى Egemen.kz.
كازينو "بوموند" كافەسىنىڭ VIP زالىندا ورنالاسقان. قر قارجى مينيسترلىگىنىڭ قارجى مونيتورينگى كوميتەتى ءباسپاسوز قىزمەتىنىڭ مالىمەتىنە سۇيەنسەك, كازينو قىزمەتىن ۇيىمداستىرۋشىلار كارانتيندىك شەكتەۋ رەجيمىن بۇزىپ, زاڭسىز ويىن بيزنەسىن جاسىرىن جۇزەگە اسىرىپ كەلگەن.
"تەكسەرۋ كەزىندە ارنايى كەنەپ, ويىن كارتالارى, "تەحاس حولدەم" پوكەر ويىنىنا ارنالعان چيپتەر, چيپتەرگە ارنالعان ستەندتەر تابىلىپ, تاركىلەندى. ويىن فيشكالارى جاسىرىن كازينو ۇيىمداستىرۋشىلارىنا تيەسىلى "كاسپي گولد" كارتالارىنا اقشا اۋدارۋ ارقىلى ساتىپ الىنعان. اتالعان فاكتى بويىنشا قر قك-ءنىڭ 307-بابى, 1-ءبولىمى نەگىزىندە سوتقا دەيىنگى تەرگەۋ امالدارى جۇرگىزىلۋدە", دەپ حابارلادى كوميتەتتىڭ ءباسپاسوز قىزمەتى.