"اك بارس" حوككەي كومانداسىنىڭ جانە قازاقستان قۇراماسىنىڭ شابۋىلشىسى نايدجەل دوۋس كوروناۆيرۋس جۇقتىرىپ الدى. بۇل تۋرالى Egemen.kz "چەمپيونات" باسىلىمىنا سىلتەمە جاساپ حابارلايدى.
سونداي-اق ۆيرۋستى دانيس زاريپوۆ پەن ميكاەل ۆيكستراند تا جۇقتىرىپ العان. سوڭعىسى ءتىپتى ۆيرۋستى ەكىنشى رەت جۇقتىرىپ وتىر ەكەن. بيىلعى ماۋسىمدا دوۋس قۇرلىقتىق حوككەي ليگاسىنىڭ 12 كەزدەسۋىنە قاتىسىپ, 5 شايبا سوعىپ, ەكى ناتيجەلى پاس بەرگەن. ال زاريپوۆ بولسا سەگىز ويىندا سەگىز ۇپاي (3+5) جيناعان. ۆيكستراند 12 كەزدەسۋدە ءۇش (1+2) ۇپاي الان. ەسكە سالايىق, جازدا دوۋس "اك بارس" كومانداسىنا اۋىسىپ, ءبىر جىلدىق كەلىسىمشارت جاساعان بولاتىن. وعان دەيىن قازاقستاندىق حوككەيشى "اۆتوموبيليست" كومانداسىنىڭ نامىسىن قورعاعان. ال 2011-18 جىلدار ارالىعىندا ول "بارىس" ساپىندا ويناعان.