ەل اۋماعىندا قۇس تۇماۋى ۆيرۋسىنىڭ جايىلۋىنا بايلانىستى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ماماندارى قۇس اتۋعا, جابايى قۇستىڭ ەتىن تۇتىنۋعا تىيىم سالۋ كەرەكتىگىن ايتتى, دەپ حابارلايدى Egemen.kz.
قۇس تۇماۋى ۆيرۋسىنىڭ سالدارىنان قازاقستاننىڭ بىرقاتار وبلىستارىندا جانە رەسپۋبليكالىق ماڭىزى بار ءبىر قالادا قۇستاردىڭ جاپپاي قىرىلۋى انىقتالعان.
"ۆەتەريناريانىڭ ۇلتتىق رەفەرەنتتىك ورتالىق مالىمەتتەرىنە سۇيەنسەك, جوعارى پاتوگەندى قۇس تۇماۋىنىڭ كوزى جابايى قۇستاردىڭ ميگراتسيالانۋىنان. بۇل ءولىپ قالعان جابايى قۇستاردى زەرتتەۋ ناتيجەلەرىمەن راستالادى", دەپ حابارلايدى ينسپەكتسيا ماماندارى.
وسىعان بايلانىستى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى قىزمەتكەرلەرى جابايى قۇستاردىڭ ەتىن جەۋگە جانە اڭ اۋلاۋعا تىيىم سالۋدى ۇسىنىپ وتىر.
شىعىس قازاقستان وبلىسى