ەلوردادا قاراعاندى جانە قوستاناي وبلىستارىنىڭ جارمەڭكەسى ءوتتى

"حان شاتىر" سوو جانىنداعى الاڭدا كەزەكتى اۋىل شارۋاشىلىق جارمەڭكەسى بولدى. قاراعاندى جانە قوستاناي وبلىستارىنىڭ كاسىپكەرلەرى ءوز ونىمدەرىن ەلورداعا اكەلدى.

قاراعاندى وبلىسىنان جارمەڭكەدە توعىز اۋدان مەن قاراعاندى, تەمىرتاۋ, شاحتينسك, ساران قالالارىنان 170-كە جۋىق كاسىپورىن ءوز تاۋارىن ۇسىندى.

ء"بىز جالپى سوماسى 700 ملن تەڭگەگە 600 تونناعا جۋىق ءونىم اكەلدىك. سونىڭ ىشىندە قوي ەتى, شوشقا ەتى, سيىر ەتى, جىلقى ەتى, 350 توننا كارتوپ, 100 توننا كوكونىس جانە باسقا دا ازىق-ت ۇلىك ونىمدەرى بار. قازىر قىسقا دايىندىق ماۋسىمى باستالدى, نەگىزىنەن ەت, كارتوپ, كوكونىس جاقسى ساتىلدى", دەدى قاراعاندى وبلىسى اۋىل شارۋاشىلىعى باسقارماسى باسشىسىنىڭ ورىنباسارى اسقار ساناۋباروۆ.

قوستاناي وبلىسىنان 50-گە جۋىق ءوندىرۋشى ءوز ونىمدەرىن اكەلدى. نۇر-سۇلتانداعى جارمەڭكەگە 14 اۋدان مەن ءۇش قالا كەلدى. تاۋاردىڭ جالپى كولەمى 380 توننانى قۇرادى.

بارلىق ۇسىنىلعان ونىمدەردىڭ باعاسى نارىقتىق باعادان 10-15% تومەن. سونىمەن, سيىر ەتىن 1700 تەڭگەگە, جىلقى ەتىن – 1800-2000 تەڭگەگە, قوي ەتىن – 1800 تەڭگەگە, شوشقا ەتىن – 1200-1600 تەڭگەگە, كارتوپتى – 70-75 تەڭگەدەن ساتىپ الدى.

جارمەڭكە بارلىق سانيتارلىق نورمالاردى ساقتاي وتىرىپ وتكىزىلدى.