قازاقستاننىڭ يسپانياداعى ەلشىسى كونستانتين جيگالوۆ يسپانيا سىرتقى ىستەر مينيسترلىگىنىڭ مەملەكەتتىك حاتشىسى كريستينا گاياكپەن كەزدەستى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
كەزدەسۋ بارىسىندا تاراپتار وزەكتى حالىقارالىق ماسەلەلەر مەن مەملەكەتتەر اراسىندا ورناتىلعان ستراتەگيالىق سەرىكتەستىككە سايكەس ەكىجاقتى كۇن ءتارتىبىن, سونىڭ ىشىندە شارتتىق-قۇقىقتىق بازانى كەڭەيتۋ, سونىمەن قاتار بۇۇ مەن ەقىۇ شەڭبەرىندە ءوزارا قولداۋ ماسەلەلەرىن تالقىلادى.
جاھاندىق ماسەلەلەردى تالقىلاۋ شەڭبەرىندە ەلشى ك.گاياكتى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ بۇۇ باس اسسامبلەياسى 75-سەسسياسىنىڭ جالپىساياسي دەباتتارىندا سويلەگەن ءسوزىنىڭ نەگىزگى ۇزىندىلەرىمەن تانىستىردى.
يسپانيا مەن قازاقستان باسشىلىقتارىنىڭ ەكونوميكانى تۇراقتاندىرۋ, ونى ىندەت پەن كوروناۆيرۋستان كەيىنگى كەزەڭ اياسىندا ىنتالاندىرۋ مەن قايتا قۇرىلىمداۋ بويىنشا قابىلداعان شارالارى تۋرالى اقپاراتپەن الماستى. وسىعان وراي سۇحباتتاسۋشىنى پرەزيدەنت ق.توقاەۆتىڭ جولداۋىنىڭ نەگىزگى باعىتتارىمەن تانىستىردى.
قازاقستان مەن يسپانيا جاھاندىق بەلسەندىلىك قارقىنىنىڭ جالپى تومەندەۋىنە قاراماستان, ەكىجاقتى ساياسي جانە ساۋدا-ەكونوميكالىق ىنتىماقتاستىقتى ءتيىستى دەڭگەيدە قولداۋدى جالعاستىرۋدا.
ك.گاياك 2021 جىلى قازاقستانعا سىرتقى ىستەر مينيسترلەرىنىڭ ورىنباسارلارى دەڭگەيىندەگى ساياسي كونسۋلتاتسيالار وتكىزۋ ماقساتىمەن قر-عا ساپارمەن كەلۋگە دايىندىعىن ءبىلدىرىپ, جوعارى دەڭگەيدەگى ساپارلاردى پىسىقتاۋ جۇمىسىن جالعاستىرۋدىڭ قيسىندىلىعىن اتاپ ءوتتى.
سونداي-اق, تاراپتار Mercasa كومپانياسىنىڭ تاجىريبەسىمەن ۇقساستىعى بويىنشا قازاقستاندا كوتەرمە-تاراتۋ ورتالىقتارىن (كتو) قۇرۋ جوباسىنىڭ ىلگەرىلەۋىن جانە جاسىل ەكونوميكا جانە ەكولوگيا سالاسىنداعى تاجىريبەمەن الماسۋدى قاناعاتتانۋشىلىقپەن اتاپ ءوتتى.
نۇر-سۇلتان قالاسىندا ءىرى سۋ شارۋاشىلىعى كومپانياسى "Aqualia FCC"-مەن بىرگە جاڭا كارىزدىك-تازارتۋ قۇرىلىستارى مەن نوسەرلىك اعىنداردى جاڭعىرتۋ جانە سالۋ جونىندەگى جوبانىڭ بولاشاعى ەرەكشە اتاپ ءوتىلدى.
تاراپتار ساۋدا-ەكونوميكالىق ىنتىماقتاستىقتى دامىتۋدىڭ قولدانىستاعى قۇرالدارىنىڭ تيىمدىلىگى مەن ماڭىزدىلىعىن اتاپ ءوتتى. ەكونوميكا جانە ونەركاسىپ سالاسىنداعى ىنتىماقتاستىق جونىندەگى قازاقستان-يسپانيا ۇكىمەتارالىق كوميسسياسى (ۇاك) جانە "قازاقستان-يسپانيا" ىسكەرلىك كەڭەسى ء(ىC). ۇاك پەن دك-ءنىڭ كەلەسى وتىرىستارى جاقىن ارادا وتەدى دەگەن ءۇمىت ءبىلدىرىلدى.
تاراپتار ەكونوميكا جانە ونەركاسىپ سالاسىنداعى ىنتىماقتاستىق جونىندەگى قازاقستاندىق-يسپاندىق ۇكىمەتارالىق كوميسسيا مەن "قازاقستان-يسپانيا" ىسكەرلىك كەڭەسىن دامىتۋ ءۇشىن قولدانىستاعى قۇرالداردىڭ تيىمدىلىگى مەن ماڭىزدىلىعىن اتاپ ءوتتى.
مادەني-گۋمانيتارلىق سالاداعى ەكىجاقتى جەمىستى ىنتىماقتاستىقتى اتاپ ءوتىپ, تاراپتار قازاق اقىنى جانە اعارتۋشىسى اباي قۇنانباي ۇلىنىڭ 175 جىلدىعىن اتاپ وتۋگە ارنالعان ءىس-شارالاردى وتكىزۋدىڭ جانە ونىڭ يسپان تىلىندەگى مۇرالارىن يسپان كىتاپحانالارىنا بەرۋدىڭ ماڭىزدىلىعىن قاناعاتتانۋشىلىقپەن اتاپ ءوتتى. وسى باعىتتا قازاق پروزاسى مەن پوەزياسىنىڭ انتولوگياسىنىڭ يسپان تىلىندە باسىلعاندىعى قوشەمەتتەلدى.