ەرتەڭ اتىراۋ قالاسىنىڭ 380 جىلدىعى اتالىپ وتىلەدى. سوعان وراي "بالىقشى" ىقشاماۋدانىنداعى ساياباققا 1000 جەمىس اعاشىنىڭ كوشەتى ەگۋ باستالدى, - دەپ حابارلايدى Egemen.kz
بۇگىن ساياباقتىڭ 2 گەكتار اۋماعىنا 380 كوشەت ەگۋ شاراسىنا وبلىس اكىمى ماحامبەت دوسمۇحامبەتوۆ تە قاتىستى. اكىم دە كوشەت ەكتى.
"جىل باسىنان بەرى قالانى كوگالداندىرۋ جوسپارىنا سايكەس, 20 مىڭعا جۋىق تال ەگىلدى. اتىراۋدى جاسىل قالاعا اينالدىرۋ الدا دا جالعاسادى. وسىعان وراي ناقتى جوبامىز بار. وعان وڭىردەگى ءىرى كومپانيالاردى تارتامىز", -دەدى اتىراۋ قالاسىنىڭ اكىمى قايرات ورازباەۆ.
ايتا كەتەيىك, بۇل ساياباق قوعام بەلسەندىلەرىنىڭ ۇسىنىسىمەن اشىلىپ وتىر.