باس قولباسشى كونتر-ادميرال ساكەن بەكجانوۆتىڭ باسشىلىعىمەن باتىس وڭىردە اسكەري-تەڭىز كۇشتەرى بولىمدەرىمەن كوماندالىق-شتابتىق وقۋ جاتتىعۋ اياقتالدى. بۇل تۋرالى قورعانىس مينيسترلىگى حابارلادى.
تەڭىز پوليگوندارىنىڭ سۋ ايدىنىندا قارۋلى قاقتىعىستا جاۋىنگەرلىك ءىس-قيمىلدار جۇرگىزۋ ءۇشىن جاعداي جاسالدى.
وقۋ-جاۋىنگەرلىك تاپسىرمالاردى ورىنداۋعا كەمەلەردىڭ تاكتيكالىق توبى تەڭىزگە شىقتى. اسكەري تەڭىزشىلەر شارتتى قارسىلاستى كەلتىرۋ ءۇشىن سۋ ءۇستى اۋە نىسانالارى كورابلدىك-جاۋىنگەرلىك اتىستارىن ورىندادى. وقۋ-جاتتىعۋعا اسكەري اۆياتسيا ەكيپاجدارى تارتىلدى.
وقۋ-جاتتىعۋدا باسقارۋ ورگاندارى مەن كەمە كومانديرلەرىنىڭ دايىندىق دەڭگەيىن انىقتاۋعا, جاۋىنگەرلىك ءىس-قيمىلداردى جۇرگىزۋ كەزىندە قاتىسۋشىلاردىڭ تاجىريبەلىك داعدىلارى مەن ءوزارا ءىس-قيمىلدارىن پىسىقتاۋعا مۇمكىندىك بەردى.
قويىلعان مىندەتتەردى جۇزەگە اسىرۋ, وقۋ-جاتتىعۋعا قاتىسۋشىلاردىڭ جوعارى مورالدىق-پسيحولوگيالىق جاي-كۇيى مەن جاۋىنگەرلىك رۋحىن كوتەرەدى.