پاۆلودارداعى دوستىق ۇيىندە وبلىستىڭ ۇزدىك مۇعالىمدەرى ماراپاتتالدى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
ءوڭىر باسشىسى ابىلقايىر سقاقوۆ پەداگوگتاردى كەلە جاتقان مۇعالىمدەر كۇنىمەن قۇتتىقتادى.
"سىزدەرگە زور دەنساۋلىق, تولايىم تابىستار مەن سارقىلماس كۇش-قۋات تىلەيمىن. كۇش پەن شىدامدىلىق بارلىعىڭىزعا وسى جىلى اسا قاجەت بولدى. سىزدەر وقىتۋدىڭ جاڭا فورماتىنا تەز جانە كاسىبي تۇردە بەيىمدەلە الدىڭىزدار. كەزەكتى رەت وزدەرىڭىزدىڭ ءبىلىم مەن تاربيە بەرۋگە ۇمتىلاتىندارىڭىزدى كورسەتتىڭىزدەر. ءبىلىمدى ۇلت تاربيەلەۋ – ءبىزدىڭ ورتاق مىندەتىمىز", دەدى وبلىس اكىمى.
وبلىس اكىمى وسكەلەڭ ۇرپاقتىڭ باستى مىندەتى – ساپالى, دامىعان, يكەمدى داعدىلارعا يە بولۋ ەكەنىن اتاپ ءوتتى.
"ياعني, ءسىز بەن ءبىز بالالاردى تالداۋعا, دۇرىس قورىتىندى جاساۋعا, ناقتى شەشىم قابىلداۋعا ۇيرەتۋىمىز كەرەك. بۇل زاماناۋي الەمدەگى ءاربىر بالا مەن بولاشاق ۇرپاقتا بولۋى كەرەك, قازىرگى كەزدە وتە قاجەت داعدىلار. مەنىڭ ويىمشا, بۇل وقۋ پروتسەسىندە مەكتەپتىڭ ماڭىزدىلىعىن جوققا شىعارۋعا بولمايدى. مەكتەپكە دەيىنگى, ورتا جانە قوسىمشا ءبىلىم قانشالىقتى كۇشتى بولسا, سوعۇرلىم بالا جان-جاقتى دامىعان تۇلعا بولىپ وسەدى", دەپ سانايدى ابىلقايىر سقاقوۆ.
ەسكە سالايىق, بيىل پاۆلودار وبلىسى اكىمدىگى تاريحتا العاش رەت "پاۆلودار وبلىسىنىڭ ءبىلىم بەرۋ جۇيەسىن دامىتۋعا قوسقان ۇلەسى ءۇشىن" توسبەلگىسىن تاعايىندادى. توسبەلگى ەرتىس ءوڭىرىنىڭ 15 ۇزدىك مۇعالىمىنە تابىستالدى. ءار ماراپات 1000 اەك مولشەرىندەگى سىياقىمەن قامتاماسىز ەتىلگەن. بۇل شامامەن 2,7 ميلليون تەڭگەنى قۇرايدى. جىل سوڭىنا دەيىن تاعى 35 مۇعالىم ءدال وسىنداي توسبەلگىگە يە بولادى.
-مۇمكىن بىرەۋ قاراپايىمدىلىعىن كورسەتىپ, ءوز جۇمىسىن بايقاۋعا جىبەرمەگەن شىعار. مەن مۇعالىمدەر كوبىنە قاراپايىم, ەڭبەكقور, بالالارعا دا, ەرەسەكتەرگە دە قۇرمەتپەن قارايتىن ادامدار ەكەنىن بىلەمىن. وقۋشىلارىڭىز ءوز جەتىستىكتەرىمەن قۋانتۋ ءۇشىن سىزدەر ودان ءارى شىعارماشىل, ناتيجەگە باسا نازار اۋداراتىن ۇستازدارعا اينالۋلارىڭىز ماڭىزدى. مەنىڭ ويىمشا, بۇل – پاۆلودار وبلىسىندا پايدا بولعان يگى ءداستۇردىڭ باستاماسى. بۇل باستاما قازاقستاندا العاشقىلاردىڭ ءبىرى بولىپ تابىلادى. بۇل ءىسىمىزدى باسقا ايماقتار الىپ كەتۋى ابدەن مۇمكىن.
سونداي-اق مەرەكە قارساڭىندا مۇعالىمدەر قر ءبىلىم جانە عىلىم مينيسترلىگىنىڭ ماراپاتتارىنا يە بولدى: ء"بىلىم بەرۋ ءىسىنىڭ قۇرمەتتى قىزمەتكەرى" توسبەلگىسى جانە "ى.التىنسارين اتىنداعى توسبەلگى".سونىمەن قاتار, وبلىستىق "جىل مۇعالىمى" جانە "جىل تاربيەشىسى" بايقاۋلارىنىڭ جەڭىمپازدارى ماراپاتتالدى.