حالىقارالىق سەمسەرلەسۋ فەدەراتسياسى (FIE) 2021 جىلدىڭ 1 قاڭتارىنان باستاپ جاڭا ماۋسىمدى باستايدى. بۇل تۋرالى ۇيىمنىڭ ونلاين وتىرىسىندا بەلگىلى بولدى.
ەرەسەكتەر اراسىنداعى تۋرنيرلەر 2021 جىلدىڭ 16 قاڭتارىنان باستاپ 21 مامىرىنا دەيىن جالعاسادى. وسى ارالىقتا ەرلەر مەن ايەلدەر اراسىندا شپاگا جانە سابليادان 4 الەم كۋبوگى كەزەڭى وتكىزىلەدى.
سونداي-اق, راپيرامەن سەمسەرلەسۋدەن الەم كۋبوگىنىڭ ءۇش كەزەڭى جوسپارلانعان. ايماقتىق وليمپياداعا ىرىكتەۋ تۋرنيرلەرى 15-19 ساۋىردە, ايماقتىق چەمپيوناتتار 2021 جىلدىڭ 1-15 ماۋسىمى ارالىعىندا ۇيىمداستىرىلادى.