ورىس قىزى قازاق تىلىنەن ساباق بەرىپ ءجۇر

وزگە ۇلت وكىلى قازاقشاعا اعىپ تۇرسا, ءالى تاڭعالامىز. تاڭعالاتىنىمىز زاڭ­دى دا. ويتكەنى كەيبىر قازاقتىڭ ءوزى انا تىلىنە مۇرىن شۇيىرە قاراعان سوڭ وزگە ۇلت نە قىلسىن دەيمىز ىشتەي. ال زاي­سان قالاسىنىڭ تۋماسى نادەجدا الەك­ساندروۆنا ورىسشا بالاباقشاعا بارىپ, مەكتەپتە ورىسشا وقىسا دا قازاقتىڭ تىلىنە دەگەن قۇرمەتى ەرەكشە. 

– ء«تىلىن بىلمەگەن ءتۇبىن بىلمەيدى. ونداي ادام كۇلدىرەم دەپ كۇيدىرەدى, سۇيسىندىرەم دەپ سۇرىندىرەدى, بىلدىرەم دەپ بۇلدىرەدى, قۋانتام دەپ قۋارتادى, كەلتىرەم دەپ كەتىرەدى, جۇباتام دەپ جىلاتادى». مىنە, عابيت مۇسىرەپوۆتىڭ وسى ءسوزى جانىما جاقىن. قانشاما ءمان جاتىر؟! قازاق بولىپ تۋدىڭ با, قازاق­شا سويلەۋگە ءتيىسسىڭ. ال ءار بالاعا انا ءتىلى انا سۇتىمەن داريدى. سونى ەستەن شىعار­ماۋىمىز كەرەك, – دەيدى نادەجدا.

فيلولوگيا فاكۋلتەتىن تامامداعان نادەجدا شۋشانيكوۆا قىزمەت جولىن اۋدارماشى بولىپ باستاعان. بۇگىندە ول – ىلەسپە اۋدارمانىڭ دا بىلىكتى مامانى. ونىڭ قازاق تىلىنە دەگەن قىزىعۋشىلىعى مەكتەپ قابىرعاسىندا جۇرگەندە-اق ارت­قان. ءسويتىپ ءوزىنىڭ دەگەنىنە جەتىپ, ورىس سىنىبىنىڭ وقۋشىلارىنا ساباق بەرىپ ءجۇر. بۇ­عان دەيىن ول وبلىس ورتالىعىنداعى لينگ­ۆيستيكالىق ورتالىقتا دا ۇستازدىق ەتكەن.

– وقۋشىلاردىڭ قازاق تىلىنە دەگەن قۇلشىنىسى, قىزىعۋشىلىعى جوعارى. كوبى ساباقتى جاقسى وقيدى. بىراق بىلاي شىعا ورىسشا سويلەپ كەتەدى. قازاق تىلىنە دەگەن قاجەتتىلىك ارتسا, ولاي بولماس ەدى, – دەيدى قازاق ءتىلىنىڭ ۇستازى.

«قاي ەلدە تۇرساڭ, سول ەلدىڭ ءتىلىن ءبىلۋىمىز كەرەك» دەگەندى جادىنا جاقىن ۇستايتىن نادەجدا ۇيىندە دە ءوزىنىڭ ەكى قىزىنا قازاق ءتىلىن ۇيرەتەدى. 8-سىنىپ وقيتىن تۇڭعىش قىزى قازاق تىلىنەن جوبا قورعاعان. بيىل جوباسىن جالعاستىرىپ جاتىر. ال جولداسى دميتري قازاقشا سويلەي الماعانىمەن, جاقسى تۇسىنەدى.

قازاقشا ماقالداپ سويلەگەندە قازاق­تىڭ ءوزىن جاڭىلدىراتىن نادەج­دانىڭ ەندىگى ارمانى – تۇرىك ءتىلىن مەڭگەرۋ. وزگە ءتىلدىڭ ءبارىن ءبىلىپ ءوز تىلى­نە, قازاق تى­لى­نە قۇرمەتپەن قارايتىن ورىس قىزى شا­كىرت­تەرىنە عانا ەمەس, ءيىسى قازاق­قا ۇلگى.

شىعىس قازاقستان وبلىسى