بۇل تۋرالى بۇگىن قر پرەزيدەنتى جانىنداعى وكق بريفينگىندە قر اشم ۆەتەرينارلىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى تۇرسىن قابدولدانوۆ مالىمدەدى, - دەپ جازادى Egemen.kz
"جانۋارلاردىڭ اسا قاۋىپتى اۋرۋلارىنىڭ الدىن الۋ بويىنشا بەكىتىلگەن ۆەتەريناريالىق ءىس-شارالار جوسپارىنا سايكەس اعىمداعى جىلدىڭ اقپان ايىندا ۆاكتسيناتسيا جۇرگىزۋ ءۇشىن قۇس تۇماۋىنا قارسى 3,3 ملن-نان استام ۆاكتسينا ءبولىندى. قوسىمشا قىركۇيەك ايىندا قۇس تۇماۋىن جۇقتىرۋ وشاقتارىن وقشاۋلاۋ ءۇشىن رەسپۋبليكالىق رەزەرۆتەن 3,1 ملن دوزا ءبولىندى. ال وسى اپتانىڭ سوڭىندا تاعى 1,3 ملن دوزا جەتكىزىلەدى. وسىلايشا, وڭىرلەرگە ۆاكتسينالاردىڭ 7,7 ملن دوزاسى ءبولىندى. ۆاكتسيناتسيا تەگىن جۇرگىزىلەدى", - دەدى ۆەتەرينارلىق باقىلاۋ جانە قاداعالاۋ كوميتەتى وكىلى.
سونداي-اق, ول بۇگىنگى كۇنى ءماجبۇرلى ۆاكتسيناتسيا اياسىندا قر 8 قازاقستاننىڭ 8 وبلىسىنىڭ 60 اۋدانىنىڭ 424 اۋىلدىق وكرۋگىندە 1,7 ملن قۇسقا ۆاكتسينا سالىندى.
سونىمەن قاتار, قابدولدانوۆ قۇس وسىرۋشىلەر وداعىمەن جانە جۇمىرتقا وندىرۋشىلەر قاۋىمداستىعىمەن كەلىسىلگەن ستراتەگيا بويىنشا رەسپۋبليكالىق بيۋدجەت ەسەبىنەن تەك قانا انالىق تابىنعا, سونداي-اق قۇس فابريكالارىنىڭ اينالاسىنداعى 20 شاقىرىمدىق ايماقتاعى جەكە اۋلاداعى قۇستارعا جانە جابايى قۇستاردىڭ ۇشۋ جولىنا پروفيلاكتيكالىق ۆاكتسيناتسيا جۇرگىزىلەتىنىن اتاپ ءوتتى. وسىلايشا, جىل باسىندا بولىنگەن پرەپاراتتاردىڭ سانى 100% ۆاكتسيناتسيالاۋعا جەتتى.
"قولدانىستاعى ۆەتەرينارلىق زاڭناما اياسىندا قۇس فابريكالارى وزدەرى ۆاكتسيناتسيا جۇرگىزەدى. بۇل رەتتە برويلەرلىك باعىتتاعى قۇس فابريكالارى برويلەرلەردىڭ ءومىر ءسۇرۋ مەرزىمىنىڭ از بولۋىنا (36-40 كۇن) بايلانىستى ۆاكتسيناتسيا جۇرگىزبەيدى. ولار تاۋلىكتىك بالاپاندار مەن ينكۋباتسيالىق جۇمىرتقانى قۇس فابريكالارىنان الادى, وندا انالىق مال قۇس تۇماۋىنان ۆاكتسيناتسيالانعان. جۇمىرتقا باعىتىنداعى قۇس فابريكالارى انالىق باس تاۋىقتاردى ۆاكتسيناتسيالايدى", - دەپ قوستى سپيكەر.