قازان ايىندا اۋا رايى قانداي بولادى؟

"قازان – كۇزدەن قىس مەزگىلىنە اۋىسۋ ۋاقىتى. وسى ايدا اۋا رايى, اسىرەسە سولتۇستىك وڭىرلەردە, ءوزىنىڭ توسىنسىيلارىن ۇسىنادى. مۇندا بۇرقاسىن, قار جامىلعىسى بولۋى مۇمكىن. كونسۋلتاتيۆتىك بولجامعا سايكەس 2020 جىلدىڭ قازان ايىندا قازاقستاننىڭ سولتۇستىك-شىعىس, ورتالىق, وڭتۇستىك-شىعىس وڭىرلەرىنە سۋىق اركتيكالىق اۋا ماسسالارىنىڭ ءجيى كەلۋى جانە جەرورتا تەڭىزىنىڭ شىعىس جاعالاۋىنان ەلىمىزدىڭ وڭتۇستىك-باتىسىنا جىلۋدىڭ شىعارىلۋى كۇتىلەدى. ناتيجەسىندە ورتاشا ايلىق اۋا تەمپەراتۋراسى رەسپۋبليكانىڭ باسىم بولىگىندە كليماتتىق نورما شاماسىندا بولادى دەپ كۇتىلەدى. قازاقستاننىڭ وڭتۇستىك-باتىس جارتىسىندا نورمادان 1°س جوعارى, ەلىمىزدىڭ سولتۇستىك-شىعىس بولىگىندە نورمادان 1°س تومەن بولادى", دەلىنگەن حابارلامادا.

وسى جىلدىڭ قازان ايىندا جاۋىن-شاشىن مولشەرى قازاقستاننىڭ باسىم بولىگىندە نورماعا جۋىق, ەلىمىزدىڭ سولتۇستىك-شىعىس جارتىسىندا جانە الماتى وبلىسىنىڭ شىعىسىندا نورمادان كوپ بولادى دەپ بولجانادى.

الداعى كۇندەرى رەسپۋبليكانىڭ باسىم بولىگىندە قۇرعاق جانە شۋاقتى اۋا رايى كۇتىلەدى. ەلىمىزدىڭ سولتۇستىك جارتىسىندا اۋا تەمپەراتۋراسى تۇندە -2+7°س, كۇندىز اۋا بىرتىندەپ +12+20°س دەيىن جىلىنادى, وڭتۇستىك جارتىسىندا جانە باتىستا - تۇندە +5+13°س, كۇندىز +17+25°س بولادى دەپ كۇتىلەدى.  5 قازاننان باستاپ سولتۇستىك تسيكلونمەن جانە اركتيكالىق اتموسفەرالىق فرونتتاردىڭ وتۋىمەن جاۋىن-شاشىن تۇسەدى. سولتۇستىك جارتىسىندا جاڭبىردىڭ ارتى ىلعالدى قارعا اۋىسۋى مۇمكىن, تۇمان جانە جەلدىڭ ەكپىنى 15-23 م/س دەيىن كۇشەيۋى مۇمكىن. جاۋىن-شاشىننىڭ توقتاۋىمەن كۇزگە ءتان سۋىق تۇندەر مەن اشىق جەلسىز كۇندەر كەلەدى. تەك ەلىمىزدىڭ باتىسىندا, وڭتۇستىك-باتىسىندا جاۋىن-شاشىنسىز اۋا رايى ساقتالادى. ءبىرىنشى ونكۇندىكتە اۋا تەمپەراتۋراسى:

باتىستا كەزەڭنىڭ ورتاسىندا تۇندە 0,+5°س دەيىن, كۇندىز +12+17°س دەيىن;

سولتۇستىكتە, سولتۇستىك-باتىستا, ورتالىقتا جانە شىعىستا كەزەڭنىڭ ورتاسىندا جانە سوڭىندا تۇندە -1-8°س دەيىن, كۇندىز 0,+7°س دەيىن;

وڭتۇستىكتە, وڭتۇستىك-شىعىستا ونكۇندىكتىڭ سوڭىندا تۇندە 0,+5°س دەيىن, تاۋلى جانە تاۋ بوكتەرىندەگى اۋدانداردا 3 گرادۋسقا دەيىن ۇسىك ءجۇرۋى مۇمكىن, كۇندىز +7+12°س دەيىن;

وڭتۇستىك-باتىستا ونكۇندىكتىڭ ورتاسىندا تۇندە +5+12°س دەيىن, كۇندىز +15+20°س دەيىن تومەندەۋى كۇتىلەدى.

ءبىرىنشى ونكۇندىكتىڭ سوڭىندا اۋا تەمپەراتۋراسى الدىمەن قازاقستاننىڭ باتىسىندا, سودان كەيىن رەسپۋبليكانىڭ قالعان اۋماعىندا كوتەرىلەدى.

قازاننىڭ ەكىنشى جانە ءۇشىنشى ونكۇندىگىندە قازاقستان اۋماعىنىڭ باسىم بولىگىندە تۇراقسىز اۋا رايى بولجانادى: جاڭبىر – نەگىزىنەن وڭتۇستىك جانە باتىس وڭىرلەردە, جاۋىن-شاشىن (جاڭبىردىڭ ارتى ىلعالدى قارعا اۋىسادى) – سولتۇستىك, ورتالىق, شىعىس وڭىرلەردە, سونداي-اق ەلدىڭ وڭتۇستىك-شىعىسىنىڭ تاۋلى جانە تاۋ بوكتەرىندەگى اۋداندارىندا بولجانادى.  

جىلۋ تولقىندارمەن جەكەلەگەن كۇندەرى قر وڭتۇستىك-باتىس, وڭتۇستىك جانە وڭتۇستىك-شىعىس جارتىسىندا كۇندىز اۋا تەمپەراتۋراسى +15+25°س دەيىن, سولتۇستىكتە, ورتالىقتا جانە شىعىستا +10+20°س دەيىن جىلىنۋى مۇمكىن.

سۋىق تولقىندارمەن اۋا تەمپەراتۋراسى:

قر سولتۇستىك-باتىس, سولتۇستىك, ورتالىق  جانە شىعىس وڭىرلەرىندە تۇندە -1-10°س دەيىن, كۇندىز 0,+5°س دەيىن;

ەلىمىزدىڭ وڭتۇستىك جانە وڭتۇستىك-باتىس جارتىسىندا تۇندە -5+5°س دەيىن, كۇندىز +2+10°س دەيىن تومەندەۋى مۇمكىن.